Catee (已結業)

去食果次系近万圣节，布置都充满万圣节气氛，同埋有好多猫猫装饰。灯光偏暗，算有情调。餐厅空间大，每张桌子距离足够，倾计都舒服。一路想食威灵顿三文鱼扒好耐，咁岩呢度有得食，即刻试下！好开心，整得神乎其技咁好食！外面酥皮脆卜卜，时间调教得刚刚好，包住三文鱼扒，肉质鲜嫩，仲有烟出，可见师傅掌握得好好！隔离的配菜有翠玉瓜、秋葵同蕃茄仔，配搭得一流，好新鲜！成道菜完全无懈可击！德国猪手都唔错，但可能食完三文鱼扒再食肉，有点腻，所以学精左叫食物的配搭都系试多几种唔同口味同口感。好想试另外果个带子意大利饭，平时自己整都花时间，下次有机会可试。猪手有配酸菜，好开胃，猪手都好足料，而且唔算多骨。叫餐的话会包括餐汤、沙津同甜品。是日甜品系栗子蛋糕。成餐饭都食得好满足，餐厅仲提供好多玩具同board game，原来荃湾有呢间咁别致又好味的餐厅！呢度的员工虽然睇落有点冷淡，开头叫野食是见佢会挂住睇电话，如果多留意客人就更好，但其实佢地全部都好有礼貌，好愿意帮忙。食完饭赞左一下员工话d野食好好味，佢即刻笑逐颜开，有笑容咪几好。性价比几高又食得心满意足，唔错唔错！