Sense Dessert Cafe (已結業)

返到黎第二日，经过开呢头，发觉己转了夏日menu,可能系刚开门关系，店内还有空位，当然系呢个天文台发出嘅酷热警告下，必然'冰镇'下先！和之前相比，menu内显然多左好多相片，还多左几个特色系列，最令我留意系一个叫变味系列，menu里还说明左甜品附设一客变味粉，而所谓变味粉，系由一种植物提取出黎，令我好好奇，于是就试下佢'咩料'店员端上变味粉后，还细心讲解尝一尝旁边嘅柠檬同西柚角嘅味道，确认酸涩程度，然后将粉末放喺条脷上面溶解，待2，3分钟再试下旁边嘅柠檬同西柚，心急如焚嘅我，含至完全溶哂啲粉（应该前后无1分钟）就二话不说，试下个柠檬角，哗！唔系之前试过个柠檬有几酸，仲以为浸过糖水，个柠角入口真系变得甜味，after taste有好小酸味出返黎，好神奇！店员再送黎野莓乳酪雪葩，乳酪混上超微酸雪葩，连最底啲鲜莓同食，即是迅速降温，呢个甜品有得玩，有得食，值得推介！题外话：此系列，创意满分，有得玩有得食，健康无糖，店员仲话有啲亲烕朋友如果有限制于糖份摄取嘅（我谂佢意思系糖尿病），而家都可以食到甜品，有机会，我会带我阿妈黎试下！