影片
更多
2004-02-28
4 浏览
今日食LUNCH路过佐敦﹐原本谂住费事左拣右拣去景霖食周算﹐点知行过隔离铺位时﹐闻到一阵香味﹐系炸鸡翼香﹐于是走入去望下﹐原来系卖车仔面。都好﹐反正好耐无食过车仔面喇﹐都值得一试。其实间铺当时已经满座(应该每日LUNCH 都会爆棚)﹐但系单人匹马一般都唔需要等得耐﹐所以我好快就坐低左。先拎起张车仔面落单纸﹐面及配料基本上每样$4~5仲有米线﹐公仔面同狗仔粉(类似银针粉)可选﹐真系够晒多选择﹐几奄尖都唔怕。因为肚饿﹐于是极速点左猪红猪肠萝卜配油面。等面的时候无聊﹐再睇下个MENU﹐哗﹗原来呢间唔只系车仔面﹐仲有好多其它野食﹐真系花多眼乱﹗仲有好多小食﹐头先闻到的鸡翼香完来系南乳炸鸡翼﹐系小食的其中一项﹐虽然$7 一只﹐但谂起鸡翼香即刻叫左一只。其它的﹐咖喱又有﹐碟头饭又有﹐其它粉面类又有﹐真系讲都讲唔到有几多﹐有D连个MENU 都无﹐贴左系墙上面。最神奇系连沙律都有得卖﹐仲要系话自家制造独家蛋酱汁云云﹐真系好配服呢度的老板。你见过一间铺同时卖车仔面又卖咖喱又卖沙律未﹖我就好似未见过喇。检查一下个调味盘﹐仲多野﹐车仔面酱﹑豆办酱﹑辣酱﹑辣油﹑胡椒粉﹑糖﹑醋﹑冬菜茸等等﹐相信净系食呢D都可以
去景霖食周算﹐点知行过隔离铺位时﹐闻到一阵
香味﹐系炸鸡翼香﹐于是走入去望下﹐原来系卖
车仔面。都好﹐反正好耐无食过车仔面喇﹐都值得
一试。其实间铺当时已经满座(应该每日LUNCH 都
会爆棚)﹐但系单人匹马一般都唔需要等得耐﹐所以
我好快就坐低左。
先拎起张车仔面落单纸﹐面及配料基本上每样$4~5
仲有米线﹐公仔面同狗仔粉(类似银针粉)可选﹐真系
够晒多选择﹐几奄尖都唔怕。因为肚饿﹐于是极速
点左猪红猪肠萝卜配油面。等面的时候无聊﹐再睇
下个MENU﹐哗﹗原来呢间唔只系车仔面﹐仲有好多
其它野食﹐真系花多眼乱﹗仲有好多小食﹐头先闻
到的鸡翼香完来系南乳炸鸡翼﹐系小食的其中一项﹐
虽然$7 一只﹐但谂起鸡翼香即刻叫左一只。其它的﹐
咖喱又有﹐碟头饭又有﹐其它粉面类又有﹐真系讲
都讲唔到有几多﹐有D连个MENU 都无﹐贴左系墙上面。
最神奇系连沙律都有得卖﹐仲要系话自家制造独家
蛋酱汁云云﹐真系好配服呢度的老板。你见过一间铺
同时卖车仔面又卖咖喱又卖沙律未﹖我就好似未见过喇。
检查一下个调味盘﹐仲多野﹐车仔面酱﹑豆办酱﹑
辣酱﹑辣油﹑胡椒粉﹑糖﹑醋﹑冬菜茸等等﹐相信
净系食呢D都可以食饱﹐哈哈。
车仔面送到﹐份量都几大﹐细食的人食完分分钟会
捧住个肚。油面一向系我最喜爱的车仔面不二之选﹐
其粗幼及口感同其它配料及酱汁配合得最好﹐而我
所选的配料都煮得唔错﹐猪红系完整一件件的﹐唔怕
“散修修”﹐夹都夹唔起。萝卜味道并不特别出色﹐
但煮到刚刚好﹐完全熟透但仍然有爽口感觉﹐正﹗
猪肠食落感觉干净﹐无异味﹐睇完“食神”后对猪肠
有坏印象的朋友大可以放心一试﹗
差不多扫清碗车仔面时﹐南乳炸鸡翼送到﹐一望之
下有点失望﹐因为太过深色﹐感觉上炸得太耐﹐心
谂都唔会好食。但一啖咬落去后﹐完全改观﹐虽然
的确系炸得耐左少少﹐肉有少许硬﹐但味道真系好香﹐
南乳味足﹐好耐无食过如此“香口”的炸鸡翼了﹐
不过食食下就发觉咸左少少﹐如果唔食得咸的朋友
就最好不要点南乳炸鸡翼了。
另外叫左一杯豆浆﹐水准则一般过一般。餐牌上仲
有两种饮品应该值得一试﹐一种系黑芝麻豆浆﹐
另一种就系自制银菊露(唔知有无记错个名﹐总之
就系菊花茶一类)。服务尚算满意﹐不过车仔面中
发现一条小菜虫﹐如果唔系太饱的话﹐可能我会食
埋条虫都唔定﹐哈。当然﹐无就更好啦。
张贴