影片
更多
2012-09-12
46 浏览
这间是我曾经喜欢过的餐厅，可惜近年水准严重下降，连我曾经至爱的焗薯也弄得一塌胡涂。理性上，明知它已无可救药；但每逢经过，又偶然还会受到引诱。就好像，曾经爱过的人失常了，人格颠覆了；但你仍旧想去探望他，抱有一丝微渺的希望……这天一个人来到很久没来过的沙田新城市广场，以往每逢来到这里用午餐都会习惯成自然的想到 Super Sandwich。如今纵使明知它已面目全非，但不知为何，就是有一股这样奇妙的勇气去再度看望。不敢再选焗薯了，那过往已经太令我失望。只是选了一个 C1 餐，三文鱼蘑姑意粉甚么的。就喺我买完餐揾张梳化坐低左𠮶时，发生左少少插曲，只想睇食评者请 skip 左呢几段。有个人确认左我对面既位无人之后坐低，系个女人黎。人多搭台好闲，我完全无留意佢。但佢好奇怪，唔坐我斜对面，而偏要坐我正对面，重要成个身正面对到我正一正。彼此隔住张细圆桌只一步之距，而我既收据找赎重放左喺台面执紧，佢却似视若无睹。佢令我觉得我既 personal space 已被入侵，而且似乎系…出于一种目的既介乎有意同无意之间既入侵。可能我谂多左，但我确实感应到一股好唔自然既气场，令我不但觉得有需要将个号码座放返近自己
这天一个人来到很久没来过的沙田新城市广场，以往每逢来到这里用午餐都会习惯成自然的想到 Super Sandwich。如今纵使明知它已面目全非，但不知为何，就是有一股这样奇妙的勇气去再度看望。
不敢再选焗薯了，那过往已经太令我失望。只是选了一个 C1 餐，三文鱼蘑姑意粉甚么的。
就喺我买完餐揾张梳化坐低左𠮶时，发生左少少插曲，只想睇食评者请 skip 左呢几段。有个人确认左我对面既位无人之后坐低，系个女人黎。人多搭台好闲，我完全无留意佢。但佢好奇怪，唔坐我斜对面，而偏要坐我正对面，重要成个身正面对到我正一正。彼此隔住张细圆桌只一步之距，而我既收据找赎重放左喺台面执紧，佢却似视若无睹。
佢令我觉得我既 personal space 已被入侵，而且似乎系…出于一种目的既介乎有意同无意之间既入侵。可能我谂多左，但我确实感应到一股好唔自然既气场，令我不但觉得有需要将个号码座放返近自己多啲，重好自然地眼仔碌碌左望右望边度有空位，想闪走，离开呢股怪异气场。
理性上我希望眼前呢个人系有人相陪，另一个人买紧野食，而唔系走黎唔知做乜斋坐，但又唔多似。不寻常既气场仍无消散，喺某一刻，我只感到自己好被动地对𠮶个女人既正面注目回望左一眼。我解读唔到佢究竟想点，只知道自己眼神里面肯定完全无「阿婶你咪喺度斋坐啦」的指责或挑衅意味。对望后我都唔鬼理佢，挨后细用自己的平板电脑。
但随即呢个阿婶唔知做乜突然发作，好嬲爆爆咁快速起身走人，走𠮶时个袋重唔知有意定无意定妄顾性质地发左我一下。我受惊了。我甚么都无做过呀。
呢个社会，怪人真系无奇不有。劣质餐厅亦在所多有。在一间咁既劣质餐厅中，重有咁多捧场客，佢地又系咪怪人？定系佢地都系如我一般，念旧？
上菜了，外貌平平的一碟意粉。
面条完全是超市货色，一点可口也没有。忌廉汁就如水般淡，无法感受里面有蘑姑的存在。
三文鱼韧得令你全无食欲。
够了，这三样已够了！已不欲再细心回想这么差的饮食体验。亦不去评论它用纸杯装汤的做法了。
世上很多事无法解释。一如这间食物令人食不下咽的餐厅何以门庭若市至今。和在这间餐厅出现的斋坐怪人。
起初细看收据时，就见到凭收据十四天内光顾早午晚都会有怎样怎样的优惠。难道这间东西就是靠这招，化腐朽为神奇？！
张贴
