影片
更多
2022-08-02
79 浏览
喺油麻地有一间以神灯作主题嘅日式放题餐厅，佢就系由灯神萧生所开设嘅神灯烧。呢度有三款级别嘅烧肉任君选择，我哋呢次拣咗中间嘅level 2。呢个级别主要比level 1嘅多咗安格斯级嘅美国牛肉，当中有安格斯肉眼扒、牛颈脊、美国雪花牛小排、美国顶级板翼西冷及秘制壶渍封门柳等。而最欣赏就系佢哋嘅肉眼啦！肉眼扒嘅油脂无咁多，食多几件都唔会太油腻，而佢哋切得厚薄均匀，所以烧起嚟好快就食得。除咗牛肉之外佢哋仲有多款海鲜水产可以任烧，例如芝士烧生蚝丶蒲烧鳗鱼丶深海大虎虾丶鸡泡鱼干等。海鲜极推鳗鱼，大大块啖啖肉，加埋香甜嘅蒲汁就更加吸引。当然第二主打就系佢哋嘅寿司、刺身、小食、沙律、热盘、甜品、特饮都系任饮任食。刺身有三文鱼、吞拿鱼、油甘鱼、鱿鱼、带子赤贝、八爪鱼、甜虾、北寄贝等，呢度嘅刺身都好新鲜，同埋都好鲜甜，尤其系带子。而不得不提佢哋嘅炸物都好出色，佢哋都系用即点即炸，吉列炸虾炸蚝系必点，仲有就系榴梿爱好者必点嘅榴梿炸弹啦，热辣辣加埋香浓嘅榴梿味，闻到都流晒口水。佢哋仲有多款嘅沙律、主食、热盘等，太多选择，个胃位置太少未能尽录。最后当然唔少得甜品啦！除咗有多款口味嘅雪糕雪条供应之外，仲有多款口味
呢度有三款级别嘅烧肉任君选择，我哋呢次拣咗中间嘅level 2。呢个级别主要比level 1嘅多咗安格斯级嘅美国牛肉，当中有安格斯肉眼扒、牛颈脊、美国雪花牛小排、美国顶级板翼西冷及秘制壶渍封门柳等。而最欣赏就系佢哋嘅肉眼啦！肉眼扒嘅油脂无咁多，食多几件都唔会太油腻，而佢哋切得厚薄均匀，所以烧起嚟好快就食得。
除咗牛肉之外佢哋仲有多款海鲜水产可以任烧，例如芝士烧生蚝丶蒲烧鳗鱼丶深海大虎虾丶鸡泡鱼干等。海鲜极推鳗鱼，大大块啖啖肉，加埋香甜嘅蒲汁就更加吸引。
当然第二主打就系佢哋嘅寿司、刺身、小食、沙律、热盘、甜品、特饮都系任饮任食。
刺身有三文鱼、吞拿鱼、油甘鱼、鱿鱼、带子赤贝、八爪鱼、甜虾、北寄贝等，呢度嘅刺身都好新鲜，同埋都好鲜甜，尤其系带子。
而不得不提佢哋嘅炸物都好出色，佢哋都系用即点即炸，吉列炸虾炸蚝系必点，仲有就系榴梿爱好者必点嘅榴梿炸弹啦，热辣辣加埋香浓嘅榴梿味，闻到都流晒口水。
佢哋仲有多款嘅沙律、主食、热盘等，太多选择，个胃位置太少未能尽录。
最后当然唔少得甜品啦！除咗有多款口味嘅雪糕雪条供应之外，仲有多款口味嘅杯装啫喱同埋香浓嘅朱古力蛋糕，佢哋嘅蛋糕有浓郁嘅朱古力味之外仲有阵阵嘅咖啡味，味道层次都几丰富，甜度适中。
饮品方面除咗平时饮到嘅汽水、茶饮、果汁、啤酒之外，Level 2餐等级亦可以选择特饮好似有仙草奶茶、芋圆奶茶、咸湿大话七、黑牛冰、雪糕红豆冰等。而我自己就会拣水果茶，好啱食烧肉饮，可以解腻之余又够透心凉，又够清甜。
张贴
