梁慶記 (已結業)

阔别饮食界多年，今日忍唔住要打返篇食评唔系话我无食饭，只系忙到都无时间分享今日突然心血来潮，想食喇沙，原本要去到新世界先有得食，咁岩行过呢间梁庆记，眼尾见到贴喺门口嘅餐牌因为天气太热，又懒行，所以入去试下佢呢个喇沙面上枱同图片争好远，图片重口味好多呷一口汤底，椰香味浓而且小辣，食得辣嘅一定接受到，佢呢个汤底调较得岩岩好，唔会死实实牛腩有小小咬口，唔系稔到无牙都食到味种，不过都可以接受，牛筋就好稔，无牙都食到薯仔就无特别，仲要冻嘅，可能唔想个薯仔溶挂，再黎就系佢米猪连攞奖嘅全蛋粗面，又真系几好咬口，唔怪得攞奖整体黎讲46蚊都系合理价钱，饮品就另外加钱，呢度行健康路线，所以饮品唔落糖，自己有需要就枱面有糖浆自己加，唔错！