Foxglove

营业中

休息中

有去开hidden bar嘅朋友应该唔会对foxglove感到陌生，作为第一代嘅hidden bar，佢坐落喺雪厂街上面，外型有啲似买遮嘅铺头，点样去就唔多讲喇，大家上到去自己发掘啦疫情之前Foxglove会有现场音乐，配合酒吧嘅环境，绝对系放工想放松心情时嘅一大享受。一段时间冇黎，都冇为意餐厅推出左中菜Menu。今日上到嚟，就叫咗几个唔同嘅点心，另外再叫咗两个面做晚餐。首先上菜嘅系安格斯牛肉包，外型有少少似生煎包，食落去安格斯牛比平日嘅生煎包更加Juicy。跟住叫咗芝士汉堡春卷，既有春卷嘅脆口，亦有芝士汉堡嘅口感，食落去感觉非常特别。之后叫咗炸薯条，方便一路食一路倾偈，薯条偏幼身，仲有少少薯皮系头尾，炸得非常香口。主食方面，叫咗一个四川担担面同一个红烧牛肉面，四川担担面唔算太辣，有非常之浓嘅花生酱味，食到停唔到口，差啲饮埋碗汤。红烧牛肉面就相对清淡，但系胜在有菜有肉，比较健康。侍应非常之贴心，见到我哋两个人就主动问我哋使唔使分开用细碗上，等大家都可以试晒两只面。