喬居酒屋

营业中

休息中

呢间系太子小巷嘅日式串烧小店，真系好有日本feel，虽然地方唔大，坐得十几人，但内部装修好有日本特色，厨师可以同客人有更好嘅交流。今次主要食鸡嘅串烧，想像自己喺日本嘅烧鸟店😂鸡心：烧得啱啱好，鸡心弹牙又多汁，味道香浓，令人回味。鸡肝：味道浓郁，质感滑润细腻。鸡肾：外皮微脆，内里嫩滑，烧得刚好，味道清新无腥味。鸡心喉管：喉管脆口，吸收满满烧烤香气，味道非常惹味，口感就系介乎鸡肾同鸡肉之间，少少肉感加少少脆。免治鸡肉棒配日本初生蛋：鸡肉棒质地松软，搭配生蛋液后更加滑嫩，味道层次丰富。鸡颈肉：香港好难得有鸡颈肉食🥹烧得啱啱好熟，keep到嫩滑感，而且啖啖肉味蒜香烧茄子：同出边啲烧茄子好唔同，佢系一件件去咗皮咁样上，好特别，茄子烧得软绵，入口即溶。牛舌心：质感好细腻，烧烤到外焦内嫩，肉质柔软。黑糖烧菠萝：甜味自然，甜而不腻，好啱最后食当甜品。