1988 (已結業)

约了朋友去观塘工厦食一间隐世泰菜。放工后工业区外面冷清清，左问右问，穿穿插插终于见到了，估唔到入面咁多人，真系吓咗一跳。室内环境非常别致， 店主 悉心布置， 犹如世外桃源 ，令人有种舒服休闲的感觉。虾饼(4件)先上小食，受欢迎指数好高，枱枱都有一碟，外型有别于一般虾饼，系大虾形状， 炸得好松化，虾肉弹牙，好大件。黄咖哩牛腩又一惊喜之作，黄咖哩香料调配得啱啱好，惹味得嚟唔会好辣， 而主角牛腩 炆得好淋好入味， 连带薯仔洋葱， 拌饭拌包一流。烤薄饼为咗咖哩专登叫的，果然绝配，薄饼即烤需时十五分钟， 保证热辣辣上枱，真系好松化，厚厚的好有层次。大虾炒金边粉虽然大虾欠奉，好在有唔少中虾搭够都算弹牙。 金边粉炒得比较淋身，卖相唔错。