送行提燈 (已結業)

我同男朋友上网见到依间店个名觉得好得意，所以就谂住系铜锣湾行完街就上去试下。一入到去好有日本既味道，我地拣咗坐外面，因为觉得个环境好特别，有两排灯笼🏮我地叫咗两个荞麦面、3个小食同埋2杯饮品，2个人就岩岩好。荞麦面(冻)😋店员好细心咁教我地个食法。我地将生蛋同埋葱捞埋一齐，之后放落面再捞，每次食都将面放落淡酱油都点几下先食。因为只系点咗几下，所以既酱油味道，又有荞麦面既味道，同埋弹牙啲。荞麦面(热)😋依个同冻荞麦面既质地同埋味道都有啲吾同，因为热食已经一早放咗落去啲酱油，所以就会重酱油味，而且面质会比较软。炸年糕😋外面炸得岩岩好，而入面既年糕仲系好烟韧。咖哩薯饼😋入面个馅好有咖哩味，而且啲薯仔都够晒淋，真系想再叫多个。赤舌😋依个系三种味道既猪肉肠，包括原味、辣味同埋芝士，佢既辣味真系值得一试。大天狗😋依个系佢既特饮，系酸酸地，好开胃。