福興素食店

营业中

休息中

一直对这家素食店好奇，好多次经过都不见它开门营业，想食都食唔到，另一次见到佢略派饭比老人家，原来初一十五都会派饭，几有善心，更想帮衬支持下佢。终于在星期六的下午，见到开门了，原来平日收三点半，星期日唔开，怪唔之得咁难食到啦。在门外没有放出任何餐牌，到底有咩食？好神秘。见坐满左人，兜一个圈返黎，见有位就入座，店面无人招呼，刚好另一个食客入黎叫店员落单，我又顺便叫埋。今日三𩠌饭有蕃茄炆豆卜，油麦炒鱼片，炸鱼块，老黄瓜扁豆汤无晒，改左饮热菜蜜。炸鱼块几脆，当然唔系鱼，亦唔似鱼，唔好当佢鱼咁食就ok，蕃茄豆卜味道调较酸甜恰好，油麦菜有啲黄，鱼片又几似样，两个𩠌都多汁，好送饭，饭系健康嘅十谷米，较有咬口但唔觉硬，我跟另一食客叫少饭，应该少左一半，饮品菜蜜好够味。讲真其实啲𩠌普通，胜在大热天时唔驶自己身水身汗咁煮，仲送埋野饮，算几实惠，店员都几nice，呢头附近无咩好食，有机会都可再支持呢间店！