影片
更多
2022-09-09
885 浏览
话说元朗有1间神1间秘拍埋一齐，就叫神秘餐厅，两间餐厅都系主打日本野的，神就系专食石烧牛，由于小弟曾经都系其他石烧牛既餐厅食过体验唔多好，所以平时都甚少去食石烧牛的，但呢间神系网上见到咁多好评，路过果阵就系门口望望下d价钱，无几耐就有位女侍应出黎热情招待咁教我点落单，好似日本拉面店咁系门口部机揿你想要既食物再入钱就可以了，由于落单过程比较急所以无影门口部机d价钱，主要都系有几款牛同埋几多g，分别有180，300，400，今日特别d见到有个午市期间限定牛小排只需$58，仲包任食饭，汤同沙律，青柠水都系任饮，呢个价钱非常抵㖞。落完单俾张飞待应入到去会安排你座位，系肉未黎之前可以自己出去拎沙律，汤，饭咁，环境同摆位都好整齐，小店店面唔会好大，如果人多时个个都出去拎野就要小心d了。先讲讲佢任食既野先，汤系罗宋汤，同平时茶餐厅味道差唔多，都有少少酸度又唔会好嗱喉果只，我最欣赏系佢d汤唔会得水，入面仲有好多配料呀牛肉咁，剩系个汤都想饮多碗。沙律就有椰菜丝，票米粒同车厘茄，酱料有柚子酱，胡麻酱同柑橘酱，我自己就落左d柚子酱，食落好清新。饭系用珍珠米，唔会好湿好烂，都算煮得岩岩好，另外仲有d饭素俾你加
落完单俾张飞待应入到去会安排你座位，系肉未黎之前可以自己出去拎沙律，汤，饭咁，环境同摆位都好整齐，小店店面唔会好大，如果人多时个个都出去拎野就要小心d了。
先讲讲佢任食既野先，汤系罗宋汤，同平时茶餐厅味道差唔多，都有少少酸度又唔会好嗱喉果只，我最欣赏系佢d汤唔会得水，入面仲有好多配料呀牛肉咁，剩系个汤都想饮多碗。
沙律就有椰菜丝，票米粒同车厘茄，酱料有柚子酱，胡麻酱同柑橘酱，我自己就落左d柚子酱，食落好清新。
饭系用珍珠米，唔会好湿好烂，都算煮得岩岩好，另外仲有d饭素俾你加，分分钟饭都可以食多碗。
座位上都有块牌教你点样食d石烧牛，未食过既朋友又可以参考下，另外都有d即磨黑椒同盐呢d调味料，仲有纸巾，基本上所有野都做得好到位。
最后讲返主角牛啦，其实份牛好快已经到左，上枱时块石板系非常热的，d油仲弹到我成身都系，呢样大家要留意下啦，牛小排既肉味都好够，加少少黑椒盐食仲更加突出，不过就真系要快少少食，因为块石板过左10分钟左右就开始无咁热，块牛排都比较厚去到后面都会比较难熟，但其实可以叫店员换板的但由于我都剩返果两少块就废事麻烦啦，切细块d慢慢烘熟佢食算了。
整体上今日呢餐真系改变左我对石烧牛既印象，因为之前系第2度试过既体验实在太差，而且呢间神平时既餐都唔算太贵，当然我今日食呢个午市期间限定就更优惠啦，我都会介绍朋友有机会一齐再黎食。
张贴
