GARIGUETTE (已結業)

差唔多有成年都無去過東京啦！勁掛住嗰度啲美食🫢唯有係香港搵住啲過江龍食吓先啦！今次同朋友過咗去銅鑼灣Fashion Walk，食呢間即叫即製千層拿破崙Mille-pressé❤️之前都有係東京食過一次，嗰時已經覺得好好食啦！估唔到係香港唔使點排隊就有得食啦😚我同朋友叫咗一甜一鹹share食🥰牛油果煙三文魚✨超級足料！超多煙三文魚同超多牛油果啊！加埋軟綿綿嘅忌廉芝士同薯蓉😋再用千層酥夾住一齊食，口感非常豐富🤩原味士多啤梨另外甜嘅口味叫咗佢哋嘅招牌士多啤梨口味啦！啲士多啤梨夠晒甜又多汁，仲落咗少少檸檬皮碎成件事更加清新，吉士醬又夠晒滑溜！外面嘅千層酥表面燒滿焦糖，真係好香口！