影片
更多
2010-09-20
1087 浏览
6月19日, 早两日听到妈妈话屋企附近间祥利冰室门口堆满人 , 听闻系就黎结业云云… 回想呢间冰室, 虽然光顾次数唔多, 但都总算系由细到大成日都会经过嘅一间特式老冰室! 明知人多, 但都要同呀比去衬一衬, 怀勉一下…::: 卤水牛展餐包 ::: $10虽然呢度出名嘅系牛展三文治, 不过以前都食过几次, 牛展虽然卤得入味, 但经常都系冻冰冰嘅… 同埋咬落偏硬同软绵绵嘅白面包唔太夹. 今次试下牛展包, 个包硬番d, 味道微甜, 夹著牛展食感觉反而更好~ 不过其实除咗用牛展夹包比较特别之外, 其实又唔系话真系好好味…::: 红豆冰 ::: $15去冰室点都要叫番杯冰! 呢度嘅红豆冰都算系几对办~ 淡奶同红豆成七三比例, 奶味重而甜度适中. d红豆都煲得够淋, 有少少起沙~ 系传统冰室水准!::: 特餐 + 冻柠茶 ::: $24 + $2要咗沙牛面加火腿炒蛋, 为咗悭碟又悭位, 干脆将所有野放晒喺个公仔面上面. 食落有d lei hea… 各样都可以接受, 毕竟最后一个月营业, d上菜都几乱….最差就系杯冻柠茶, 食晒个面3吹4请先黎, 完全冇mood饮…平日嘅祥利真系任你拣位坐~ 今
::: 卤水牛展餐包 ::: $10
虽然呢度出名嘅系牛展三文治, 不过以前都食过几次, 牛展虽然卤得入味, 但经常都系冻冰冰嘅… 同埋咬落偏硬同软绵绵嘅白面包唔太夹. 今次试下牛展包, 个包硬番d, 味道微甜, 夹著牛展食感觉反而更好~ 不过其实除咗用牛展夹包比较特别之外, 其实又唔系话真系好好味…
::: 红豆冰 ::: $15
去冰室点都要叫番杯冰! 呢度嘅红豆冰都算系几对办~ 淡奶同红豆成七三比例, 奶味重而甜度适中. d红豆都煲得够淋, 有少少起沙~ 系传统冰室水准!
::: 特餐 + 冻柠茶 ::: $24 + $2
要咗沙牛面加火腿炒蛋, 为咗悭碟又悭位, 干脆将所有野放晒喺个公仔面上面. 食落有d lei hea… 各样都可以接受, 毕竟最后一个月营业, d上菜都几乱….
最差就系杯冻柠茶, 食晒个面3吹4请先黎, 完全冇mood饮…
平日嘅祥利真系任你拣位坐~ 今日就成间舖都塞满人, 好多人都带晒一家大细黎影相留念… 加上可能冇人做清洁, 个地下好污糟, 一路喂饱我之余我只脚就一路喂蚊… 虽然老实讲我觉得祥利唔系特别好食, 但见一间又一间老冰室慢慢消失, 心里都觉得有d唏嘘… 我地嘅下一代如果仲想感受下呢d老香港嘅情怀, 可能就只有去d摩登怀旧茶餐厅先得…
张贴
