祥香茶餐廳 (已結業)

大只仔今次觅食嘅店舖就系💥 祥香茶餐厅 💥 又一间老店结业，系西环超过50年历史嘅「祥香茶餐厅」宣布做到2022年11月30日，店员话老板退休移民，所以结业。🥲🥲大只仔今朝一大清早跑到去香港岛最西边坚尼地城，趁未结业之前，食全港独家嘅莲蓉鸡尾包。 ⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️⭐️服务 ⭐️⭐️⭐️环境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 特餐 （沙嗲牛面+火腿煎蛋+茶走） $39沙嗲牛肉面欣赏祥香嘅执着，咁多年都系将沙嗲牛肉放喺公仔面下面，可以使面质唔会过冧，而且汤底会浸满沙嗲牛肉汁嘅味道，沙嗲牛肉汁香浓，但牛肉不够滑，少少韧。火腿煎蛋味道正常。茶走茶香浓带少少苦涩，奶够香滑。🔥 莲蓉鸡尾包 $6全港唯一独家莲蓉馅鸡尾包，面包刚出炉，新鲜热辣，面包松软，莲蓉馅少不均匀，唔会过甜。温馨提示：因为结业关系，人流太多，今个月不供应饭餐，早餐特餐都不供应餐包。祥香茶餐厅以味道来讲，好好食就唔讲得上，食既系一份情怀同历史，人情味，两层嘅茶餐厅设计喺香港真系10间都数得出。