影片
更多
2022-01-18
956 浏览
听到公布话禁晚市堂食，趁住仲有三晚，尽情揾一啲想去而又未去试嘅餐厅。餐厅附近有一个空地可以泊车。店入边嘅姐姐好好人，知道我将车泊咗喺街，就叫我泊去空地唔使俾人抄牌。餐厅嘅选择好多，除咗小炒之外，仲有烧味，同埋海鲜。蒜蓉粉丝蒸扇贝好大只，亦都唔会话太多油，好味。砂姜猪手就略嫌唔够淋，有部份有啲猪毛。呢个菠萝咕噜肉似乎系招牌菜，见到每一枱都有食，佢个咕噜肉真系整得好松化。呢碟例牌叉烧，真系估佢唔到，有成条叉烧咁多。唔单只系份量大，重点系好好味，半肥瘦，两边尖位㶶得刚好，中间够淋，好得。呢个淮山猪肚鸡煲，太饱了，要带走。两个人食咗咁多样嘢， $570，其实三个人都够食。总结：呢间有下次，其实写紧呢篇食评嘅时候已经去咗第二次，食午市。
餐厅附近有一个空地可以泊车。店入边嘅姐姐好好人，知道我将车泊咗喺街，就叫我泊去空地唔使俾人抄牌。
餐厅嘅选择好多，除咗小炒之外，仲有烧味，同埋海鲜。
蒜蓉粉丝蒸扇贝好大只，亦都唔会话太多油，好味。
砂姜猪手就略嫌唔够淋，有部份有啲猪毛。
呢个菠萝咕噜肉似乎系招牌菜，见到每一枱都有食，佢个咕噜肉真系整得好松化。
呢碟例牌叉烧，真系估佢唔到，有成条叉烧咁多。唔单只系份量大，重点系好好味，半肥瘦，两边尖位㶶得刚好，中间够淋，好得。
呢个淮山猪肚鸡煲，太饱了，要带走。
两个人食咗咁多样嘢， $570，其实三个人都够食。
总结：呢间有下次，其实写紧呢篇食评嘅时候已经去咗第二次，食午市。
张贴
