影片
更多
2023-10-24
108 浏览
今日嚟深水埗买嘢，晏昼去附近行下，顺便睇睇有乜好嘢食。路经北河街，见到有间福建菜小店，牌匾写住「莆田扁肉汤、石磨肠粉、家鸡罐罐面、金牌蒸饭」，应该系餐厅嘅招牌菜，款款都好吸引，一于试下。点咗个扁肉汤+鸡蛋肠粉套餐 ($40) 同 家鸡面 ($38)。扁肉汤以一个阔口扁身嘅汤碗盛上，汤底用猪骨鲜肉熬制，饮得出冇落味精。扁肉形状像小云吞，燕皮油润，入口富胶质感，肉质鲜美弹牙，一啖一只啱啱好。鸡蛋肠粉即叫即蒸，送上时仍热辣辣，入口滑捋捋，带阵阵蛋香同米香，加上皱皮度够，蘸汁力一流，配埋碟底嘅豉油食，好惹味！至于碗家鸡面亦非常抵食，分量十足，黄焖家鸡肉质好嫩滑，入味得嚟又有咬口～啖啖肉，很滋味。面条水准亦唔错，口感滑溜，软硬度适中。另外仲点咗冻奶茶 ($12) 同 豆浆 ($6)，奶茶十分滑、茶味香浓；豆浆重豆味，入口顺滑无渣，天然又健康。
路经北河街，见到有间福建菜小店，牌匾写住「莆田扁肉汤、石磨肠粉、家鸡罐罐面、金牌蒸饭」，应该系餐厅嘅招牌菜，款款都好吸引，一于试下。
点咗个扁肉汤+鸡蛋肠粉套餐 ($40) 同 家鸡面 ($38)。
扁肉汤以一个阔口扁身嘅汤碗盛上，汤底用猪骨鲜肉熬制，饮得出冇落味精。扁肉形状像小云吞，燕皮油润，入口富胶质感，肉质鲜美弹牙，一啖一只啱啱好。
鸡蛋肠粉即叫即蒸，送上时仍热辣辣，入口滑捋捋，带阵阵蛋香同米香，加上皱皮度够，蘸汁力一流，配埋碟底嘅豉油食，好惹味！
至于碗家鸡面亦非常抵食，分量十足，黄焖家鸡肉质好嫩滑，入味得嚟又有咬口～啖啖肉，很滋味。面条水准亦唔错，口感滑溜，软硬度适中。
另外仲点咗冻奶茶 ($12) 同 豆浆 ($6)，奶茶十分滑、茶味香浓；豆浆重豆味，入口顺滑无渣，天然又健康。
张贴
