影片
更多
2025-01-10
60 浏览
琴日系男朋友生日，特登订咗一间位于尖沙咀嘅海鲜火锅店一齐好好庆祝吓🥳🌟贵州酸汤鱼锅 $218本身以为系类似酸菜鱼𠮶种有几块鱼片俾我哋，点知一上枱我哋真系哇一声🤩原来系足足有一条鱼原条上！锅里面仲有好多配料，包括蕃茄、豆腐、大葱，仲有极多大豆芽，真系非常浮夸🤩重点系鱼肉入面非常嫩滑唔腥😚劲好食！至于汤底嘅酸味系劲强烈，比谭仔酸辣更加酸，系名副其实嘅酸汤😎🌟凉拌牛肉 $98呢个前菜牛肉卤得非常入味，仲有蒜头、洋葱嘅香气，惹味到令人一啖接一啖，有啲越食越辣，重口味嘅过瘾之选🤪🌟🌟海鲜拼盘（小） $588冇谂过小嘅海鲜拼盘都系份量十足，继汤底之后又再一次被震撼到嘅菜式🤩有扇贝、生蚝、鱿鱼、蚬、海虾，所有海鲜都非常新鲜💖可能因为佢哋有自家水池养住，特别推介海虾同生蚝💖大只之余肉质鲜嫩，海虾好弹牙，好食！🌟吊龙（大份） $208店员建议我哋将佢煮15至20秒就可以食，我比较钟意半生熟嘅口感，牛味更加浓郁😋🌟高钙羊肉（大份） $268呢个羊肉片带有脆骨，每片都有一定厚度，特别系个脆骨位羊味非常浓郁！🌟🌟招牌脆皮鸡 $78呢道菜嘅精髓在于鸡皮，乍看都系平平无奇，但渌完之后竟然可以变得咁脆，真系非常特别
琴日系男朋友生日，特登订咗一间位于尖沙咀嘅海鲜火锅店一齐好好庆祝吓🥳
🌟贵州酸汤鱼锅 $218
本身以为系类似酸菜鱼𠮶种有几块鱼片俾我哋，点知一上枱我哋真系哇一声🤩原来系足足有一条鱼原条上！锅里面仲有好多配料，包括蕃茄、豆腐、大葱，仲有极多大豆芽，真系非常浮夸🤩重点系鱼肉入面非常嫩滑唔腥😚劲好食！至于汤底嘅酸味系劲强烈，比谭仔酸辣更加酸，系名副其实嘅酸汤😎
🌟凉拌牛肉 $98
呢个前菜牛肉卤得非常入味，仲有蒜头、洋葱嘅香气，惹味到令人一啖接一啖，有啲越食越辣，重口味嘅过瘾之选🤪
🌟🌟海鲜拼盘（小） $588
冇谂过小嘅海鲜拼盘都系份量十足，继汤底之后又再一次被震撼到嘅菜式🤩有扇贝、生蚝、鱿鱼、蚬、海虾，所有海鲜都非常新鲜💖可能因为佢哋有自家水池养住，特别推介海虾同生蚝💖大只之余肉质鲜嫩，海虾好弹牙，好食！
🌟吊龙（大份） $208
店员建议我哋将佢煮15至20秒就可以食，我比较钟意半生熟嘅口感，牛味更加浓郁😋
🌟高钙羊肉（大份） $268
呢个羊肉片带有脆骨，每片都有一定厚度，特别系个脆骨位羊味非常浓郁！
🌟🌟招牌脆皮鸡 $78
呢道菜嘅精髓在于鸡皮，乍看都系平平无奇，但渌完之后竟然可以变得咁脆，真系非常特别🤩而且鸡肉部分亦都非常嫩滑，个口感与脆鸡皮形成鲜明对比，几过瘾🤪
🌟新鲜鸡杂 $68
鸡杂有住鸡肾、鸡肝、鸡子等等，非常新鲜，冇任何怪味，配埋个酸汤底锦上添花
🌟蔬菜菌菇拼盘 $98
系一个好有诚意嘅出品，里面有足足10种不同嘅蔬菜同菇菌，特别系有比较少见嘅花生芽，口感清甜😍打边炉一定要食菜，因为可以平衡肉类嘅油腻感同减低罪恶感😂
-
每碟食物嘅份量都非常大，有少少眼阔肚窄，最后我哋都食唔晒，但所有成品都非常出色🥹🫶🏽
-
此乃自费食评。
张贴
