影片
更多
2008-04-17
11 浏览
在几个食家的个人专页都见到呢间餐厅推自己, 而这晚又路经上环, 一行四人就八卦去睇下, 发觉系一间非常唔起眼的cafe, 只有一两台客, 本想即时番上车, 但个餐厅经理以经拿著个餐牌出黎向我地介绍, 睇落个set dinner价钱又唔算太贵, 而且又全包, 横掂都系就入去一试.餐厅装修唔算好靓, 几传统西餐厅feel, 有d似西贡Susanna, 开放式厨房有d嘈同乱. 经理推介左个海鲜Risotto, 芝士金菰焗无皮鸡扒, 羊扒同波菜三文鱼扁意, 另加鹅肝一客. 头盘系黑醋汁沙律, 本来我对食草无乜兴趣, 但个黑醋汁好特别, 酸酸甜甜, 非常正, 草食唔晒但系汁就饮晒! 个汤就独孤一味, 木瓜南瓜汤, 味就淡d. 蒜蓉法包就超正, 成块包面都搽满蒜蓉, 食完时叫经理送多每人一客都非常乐意. 鹅肝唔算好大份, 煎得干身黑d, 经理话甘样先会香口d, 又真系几得, 个汁超正, 老友唔食鹅肝都用配菜点晒所有汁!主菜个risotto卖相几好, 劲大碟, 只大虾真系几大, 肉质几好, 个饭够芝士够菰又唔油腻, 经理话就番香港人口味, 所以无乜生米感觉. 鸡扒卖相一般(基本上三文鱼意粉同
餐厅装修唔算好靓, 几传统西餐厅feel, 有d似西贡Susanna, 开放式厨房有d嘈同乱. 经理推介左个海鲜Risotto, 芝士金菰焗无皮鸡扒, 羊扒同波菜三文鱼扁意, 另加鹅肝一客. 头盘系黑醋汁沙律, 本来我对食草无乜兴趣, 但个黑醋汁好特别, 酸酸甜甜, 非常正, 草食唔晒但系汁就饮晒! 个汤就独孤一味, 木瓜南瓜汤, 味就淡d. 蒜蓉法包就超正, 成块包面都搽满蒜蓉, 食完时叫经理送多每人一客都非常乐意. 鹅肝唔算好大份, 煎得干身黑d, 经理话甘样先会香口d, 又真系几得, 个汁超正, 老友唔食鹅肝都用配菜点晒所有汁!
主菜个risotto卖相几好, 劲大碟, 只大虾真系几大, 肉质几好, 个饭够芝士够菰又唔油腻, 经理话就番香港人口味, 所以无乜生米感觉. 鸡扒卖相一般(基本上三文鱼意粉同羊扒都系), 但系好足料, 芝士白汁加金菰好特别, 蕃茄汁好浓好香,跟黎既饭叫比罗饭, 用洋葱同香料煲, 有海南鸡饭feel. 羊扒就好大块, 有别于一般羊架, 但系以甘既价钱食到甘多羊肉就好抵, 又系个汁正, Rosemary汁, 跟餐意粉又系做足野, 落香料抄过, 好干身. 三文鱼意粉亦系好大碟同比足烟三文鱼, 个波菜忌廉汁非常掂. 四个主菜都好大碟, 两男两女差d食唔晒. 甜品系芝士饼, 完全无卖相, 得d朱古力汁, 个饼一岩一忽, 本来无乜兴趣, 食落先发觉味道同卖相差好远, 算系我食过最好食既芝士饼, 经理话系自家出品, 好多熟客成个买番去, 盛惠$250一个! 抵唔抵就见人见至, 但系真系值得推介. 咖啡系即磨, quality唔差, 值得一提杯啡奶系热既, 几有heart. 最过瘾就系杯奶茶, 味都ok, 但系竟然用茶餐厅保温杯! 劲搞笑.
总括黎讲食物质数非常掂, 由其系d汁. 加埋一每人唔使$120, 饱到番西环糖水都食唔到. 一如经理话斋, 餐厅同件芝士饼一样, 好食但无外表. 真系禾秆冚珍珠, 值得再来.
张贴
