影片
更多
2014-05-16
3618 浏览
韩风依然系我身边吹呀吹...而家约朋友食饭, 大家都系谂左食韩国野先, 今次亦都唔例外, 试下尖东间"秀"啦, 本身想系tablemap度订位, 但唔知点解拣唔到个时间, 可能系拣星期五关系特别full, 打去订要讲英文, 初初以为系韩国人...去到原来唔系...似系菲律宾姐姐...又系要分两段时间, 一系就7点到8点半, 一系8点半食到收舖, 其实都好讨厌呢个时间, 7点又太早, 有d朋友未收工, 8点半又太晏, 放工又要揾地方hea....最后拣8点半啦, 唔想赶住交台...我估大部分office做既人都系有咁既谂法挂...8点3去到都真系无台比, 要8点半入去就有喇...暗暗环境, 都可以有几张大台, 我地今次一行6人,可以食多d...用ipad做menu, 又环保又清楚有相睇, 唔会叫错野啦...大部队锅, 其实个名唔系咁, 不过我见食d野似系...我地叫左个大, 都见台台紧系有一锅野食紧, 眼见一堆粉丝,一堆芽菜,好似唔系好多料, 个汤又淡淡咁...滚起左捞一捞, 原来有个底有好多泡菜,一溒个汤都转晒红红地色喇, 仲有好多肠呀, 餐肉, 年糕, 豆腐咁...不过我唔系咁欣赏食
8点3去到都真系无台比, 要8点半入去就有喇...暗暗环境, 都可以有几张大台, 我地今次一行6人,可以食多d...用ipad做menu, 又环保又清楚有相睇, 唔会叫错野啦...
大部队锅, 其实个名唔系咁, 不过我见食d野似系...我地叫左个大, 都见台台紧系有一锅野食紧, 眼见一堆粉丝,一堆芽菜,好似唔系好多料, 个汤又淡淡咁...滚起左捞一捞, 原来有个底有好多泡菜,一溒个汤都转晒红红地色喇, 仲有好多肠呀, 餐肉, 年糕, 豆腐咁...不过我唔系咁欣赏食咁多加工野, 除左个汤辣辣地几好饮之外, 都冇乜特别...
炒粉丝, 确实系几钟意食韩国粉丝, 较粗身又烟韧, 不过碟野比想像中细碟, 百几蚊...一人食得少少, 个味唔错, 好多料, 有牛肉, 芽菜, 木耳, 萝卜丝咁,大家都好钟意呢一样...
蛋包鱼, 之前食开韩国野都想叫但无叫, 今次趁多人可以食下, 一块块鱼柳用蛋包住煎香, 好滑, 都唔错呀, 系个汁冇乜味冇乜意思...香葱煎饼, 个饼系一致觉得no good, 传统好似系冇咁脆口, 好似食左团粉入口咁, 又冇乜料..., 就好似系酒楼食薄撑咁, 可能香港口味惯左食脆口...
炆牛肋骨, 而家食韩国野多数都会食, 佢有得拣份量, 谂住6个人叫个最大,有5条...差唔多成400蚊,初初谂住5条都唔够一人一条....点知上台时见到一煲仲帮我地剪开应该够食, 剪完之后原来仲有一煲, 5条系要分开两煲架, 真系好多呀, 满足晒大家可以啖啖肉, 仲有年糕,冬菇,好多红白萝卜系入面, 够淋够入味, 牛肋骨就炆到腩咁, 不过唔够"野味", 但大家食到好够皮....
啤酒鸡, 之前系度睇其他食评见到只鸡都觉得好吸引,打黎订位时仲叫佢留只比我tim, 上台时见好似烧春鸡咁, 店员要表演一下, 淋d啤酒加火"烧一烧" 跟住就帮我地cut开再上台...望落好似好细只, 但cut开左原来都好大件, 好多肉, 唔鞋...有肉汁, 仲食到少少啤酒味, 加上有三款汁可以点下, 似系烧汁, 蜜糖蛋黄酱咁...大家都系一致赞好....
张贴
