大隻佬麵家 (已結業)

一直都听过大只佬云吞面呢个名，以前未帮衬过旧店，到今晚终于试下装修后的新店。店内装修几有特色，果然见到其中一位大只佬帮我落单到上餐。辣牛筋水饺捞粗面（$48）牛筋都几辣，水饺质素一般，因为豉油或蚝油要另外加钱所以冇加到，感觉有点淡口。浓情金莎捞面加云吞（$54）浓情金莎原来系炸大地鱼，呢款捞面已经加左豉油所以够味d，但我稍嫌面有枧水味，而且云吞质素同样一般，食唔到虾肉弹牙口感。总体黎讲，呢度比旧舖好坐左好多，但我觉得店家要留意下食物出品的质素。