貴緣小鍋米線 (崇潔街) (已結業)

话说呢间米线系我其中一间区内经常帮衬嘅小店之一。呢排唔知点解好多唔同嘅IG同埋YouTube都有讲贵缘小窝米线，见个个都写我都凑下热闹。今次除咗食米线之外，仲食咗好多小食。前菜其实好多都好精彩，孜然凉皮条同皮蛋豆腐都话系推荐，虽然食过两次但都无食呢到前菜，其实好想食蒜泥白肉因为劲多人推，但两个人无能力食咁多，下次留名再食。个皮蛋豆腐，非常出色，用上嘅酱汁你异想不到，孜然凉皮条个孜然味好劲，凉皮条好有咬口，我以为系粉皮，问一问之后原来佢哋系猪皮，好有特色。呢度开心嘅系都有好多种唔同嘅汤底选择，特别之前喺云贵川先见到嘅青花椒汤。有人怕肥，无食米线要芽菜底，最正系芽菜底唔驶加钱，招牌酸辣汤加了萝卜，螺旋藻，秘制腩肉，后面两者都系呢度推荐嘅𩠌底，秘制腩肉唔算太肥，但佢用上嘅秘制酱汁就好好食，萝卜鲜甜，螺旋藻基本上系好多米线舖头嘅选择，呢度唔使特别好贵加钱，系一个唔错嘅选择。青花椒麻浓汤唔系成日见到，当然要试，要了腐竹，冬菇，猪软骨同炸酱，炸酱可以另上，配上唔算太腍而刚好的米线，佢嘅猪软骨算非常入味，炸酱系最好的，另上之余，味道之浓好有我最爱长沙湾个间米线嘅风格。