影片
更多
2023-02-18
4519 浏览
呢排真系太忙，完全冇时间写食评。而家要报复式写返😂作为一个红虾意粉爱好者，一见到有餐厅有红虾意粉，第一时间一定会去试！今日嚟到IFC呢间餐厅，同老公撑枱脚，顺便好好享受维港海景。餐厅位于IFC 4楼，无敌大海景，有得坐户外同indoor。餐厅装潢非常新净得体，唔算太迫，啱晒同老细食business lunch!Lunch 正常都系set menu，三个course $400 加一埋单，面包任食。面包值得一讲，冇影到相，但系好好食。配面包嘅有香草酱同埋牛油。牛油上面加咗蜜糖同盐，食落去味道同口感好特别。Storm Clam前菜拣咗呢个clam，佢系好似日本炭烧𠮶啲蚬咁，煮之前已经㓥好晒，然后摆落个贝壳度加啲上汤，再慢慢烧熟佢😍煮好之后，上面会加埋三文鱼子同埋一啲泡沫，食落去好鲜甜，好似去咗日本咁😍值得推介八爪鱼沙律八爪鱼沙律，要另加$68，不过价钱都系值既。八爪鱼有一大条，唔系净系得几粒，冇㶶味，而且煮得好琳。中间嘅沙律有啲沙律菜同小蕃茄，个沙律醋酸酸甜甜，好refreshing。红虾意粉以价钱嚟讲，呢个红虾意粉好抵食。虽然我嘅favourite都系另外一间餐厅，不过暂时嚟讲呢度排第二😆
餐厅位于IFC 4楼，无敌大海景，有得坐户外同indoor。餐厅装潢非常新净得体，唔算太迫，啱晒同老细食business lunch!
Lunch 正常都系set menu，三个course $400 加一埋单，面包任食。面包值得一讲，冇影到相，但系好好食。配面包嘅有香草酱同埋牛油。牛油上面加咗蜜糖同盐，食落去味道同口感好特别。
Storm Clam
前菜拣咗呢个clam，佢系好似日本炭烧𠮶啲蚬咁，煮之前已经㓥好晒，然后摆落个贝壳度加啲上汤，再慢慢烧熟佢😍煮好之后，上面会加埋三文鱼子同埋一啲泡沫，食落去好鲜甜，好似去咗日本咁😍值得推介
Storm Clam
151 浏览
0 赞好
0 留言
八爪鱼沙律
八爪鱼沙律，要另加$68，不过价钱都系值既。八爪鱼有一大条，唔系净系得几粒，冇㶶味，而且煮得好琳。中间嘅沙律有啲沙律菜同小蕃茄，个沙律醋酸酸甜甜，好refreshing。
八爪鱼沙律
113 浏览
0 赞好
0 留言
红虾意粉
以价钱嚟讲，呢个红虾意粉好抵食。虽然我嘅favourite都系另外一间餐厅，不过暂时嚟讲呢度排第二😆😆红虾意粉有三只虾，虾既大细适中，而且份量好足，虾味浓郁，浸满晒每一条意粉。意粉嘅质感都比较烟靭，非常有口感。
我比较钟意呢间餐厅会加啲泡沫🤣令到成件事好精致，而且啲泡沫系有香味，增添每道菜嘅层次感。红虾意粉呢度绝对系抵食之选！
红虾意粉
87 浏览
2 赞好
0 留言
栗子蛋糕配雪糕
最后甜品，佢每日都会有唔同款式。今次试咗栗子蛋糕，味道唔错，配埋意大利雪糕，完美收场。
栗子蛋糕配雪糕
60 浏览
0 赞好
0 留言
总体嚟讲，呢间餐厅虽然好新，但系真系试完绝对唔会中伏。已经介绍过几个朋友去，个个食完都话抵！因为喺IFC呢个地段，呢个价钱，呢个环境，呢个食物质素，根本真系物超所值。
不过唯一美中不足嘅系，之前去咗两次d waiter都唔算话train得好好。所以希望餐厅可以更加注重员工嘅服务质素 (态度系正常，不过系整体感觉唔够专业only)😂其他方面就冇得输啦，希望餐厅会继续做落去，越做越好！
(Price: weekday lunch $450/pax.)
张贴
