名人私房菜 (已搬遷) 新店位置

大家一齐黎食私房菜，当然期望食得有住家感觉既同时，又要有特色，食平时未必食到既𩠌。第一样系阿妈老火汤，睇色水都知道够晒老火，饮落味道够出，萝卜猪肺味够润，饮唔到有味精添加。第一碟𩠌就系蒸贵妃蚌，用大量蒜蓉香葱黎蒸，一啖咬落就知道味道新鲜，蚌既汁明显系甜，蒜蓉葱再加上鼔油更能带出鲜味，口感香滑，由口腔直入胃部。豆豉蒸白鳝，一闻已经非常香好吸引，白鳝够入味，滑滑既鳝皮包住更滑既鳝肉，始终中式白鳝系比鳗鱼肉滑溜更多，肉质除左滑外，鳝肉充满鲜味，最后食左五旧鳝肉。南乳炸猪手，哗，一食就食到猪手充满南乳味，相当入味呀，除左南乳够香，仲同猪手肉味道相当夹。质感方面猪手炸得好香，皮就好脆，加上蒜粒令口感更丰富。饭后甜品有鲤鱼一条，系呀外形系鲤鱼，实际系芒果布甸黎架，口感非常滑呀，好比真鲤鱼一样线手架，滑溜既鱼肉加上花奶就更滑，用呢个做形的确唔错。