百合園林海景燒烤場

营业中

休息中

天气冻, BBQ最好不过啦, 但唔想食果种急冻冰肉, 劲多味精, 又或者烧完一定肚柯果只, 结果揾左黎呢度, 位置黎讲都几搞野下, 公共交通就巴士同小巴啰, 去北谭涌方向, 未到总站会出现系你右手边既路边, 门口有个招牌同灯饰,唔太显眼, 而且只系写住园林海景, 系无百合两个字既.我系自己渣车去既, 门口最多只可泊两至三架车, 小心. 食物方面, 我觉得真系似私房菜啦, 除左一般既烧烤餐, 另一个就系海鲜餐, 再加上盐焗鱼鱼, 但系个餐本身都好丰富下, 竟然有烧法包. 脆肉瓜, 鸡软骨串, 牛肉串烧, 豆pop串, 烟鸭胸串, 烟肉车里茄串, 其他既就系牛扒, 猪扒,全鸡翼(串好既), 鸡中翼(又系串好既),肠仔. 起初睇落好似好少野, 但食落又刚刚好㖞. 每一台有独立西式炉, 夹夹下唔驶整污糟对手, 仲有个独立既雪柜放好你既食物,干净卫生.另外环景都唔错, 无左烧烤场果种迫同嘈, 人少少, 又有个唔大唔小既草地花园, 水池, 木既千秋椅, 整洁之余又清新.系一个另类既选择.呢个系我第一次烧完野食唔肚柯之类又唔口渴既BQ. 抵赞