名人私房菜 (已搬遷) 新店位置

今晚又加班，同同事一齐订左位食呢间尖咀私房菜，入到去真系好Home Feel，好似去左屋企食饭咁，几个人座得几迫，但系好温暖咁, 中菜啊！其实我地都好钟意。个汤真系唔记咩啦..有好多不同的菇，加埋奶白鱼汤，好清新又有鲜味，好有住家FEEL，无味精最健康，我饮完好满足，D唔同的菇吸收左鱼汤鲜甜，好好食。香口野系我话一定要叫，因为屋企唔会整呢D,,,豉汁蛏子，避风塘炒肉蟹，点讲到够晒镬气，蛏子好爽好鲜，够大只D汁吊出佢的鲜味，另外肉蟹真系啖啖肉，加上的炸香香蒜，点解可以咁有大排档的风味，蒜头好味道要捞饭，好好食架(食完口好臭，但无所谓!!!)鲜虾荷叶饭，真系做得好好，佢D饭好爽身，唔会好湿，虾肉的鲜味和蒜蓉的香味入晒落饭肉，荷叶香气加上米香, 再加上有香甜豉油的浸润，吃一口饭可以好享受，层次感十足。身为香港人，其实我都系最爱中菜！