私家廚房 (已結業)

今晚同左朋友去旺角食饭，有间餐厅环境好特别，主打火锅中菜料理。我一直觉得旺角一向都以台式/西式和楼上咖啡店称霸，原来都有中菜架！我同朋友夜晚就去试下啦！我地叫左一个干葱爆豆豉鸡煲，鸡件先走油爆香，入口好香口带点焦香，鸡肉中间非常香嫩，酱汁收干水唔会水汪汪，豆豉咸香好惹味，欣赏鸡肉保持肉汁，食入口唔会干身！调味得宜唔会好浓郁。之后叫左一个金蒜银丝蒸大元贝，大大只带子入口竟然非常鲜甜，中间软绵刚刚熟透，粉丝吸到带子鲜味再加上香口蒜蓉，非常滋味！超钟意食蒜蓉呀！潮式油浸咸鲜黄花，外层香口中间鱼肉非常滑溜，鱼皮咸香中间鱼肉鲜甜，非常特别既菜式！我地一人叫左一碗白饭，份量刚刚好！