影片
更多
2022-08-07
455 浏览
呢间私房菜有两层高，上面有包厢；下面系open嘅用餐区。餐厅日光十足，好有空间感，坐得舒服，仲可以欣赏埋跑马地马场嘅全景！餐厅净系开星期五至日，主要食广东菜，晚市可以预订佢唔同嘅menu，帮你谂定食咩，全部都系好花功夫嘅菜式；今次午市去试下佢啲手工点心先！------------------------------🦐◖鲜虾虾饺◗ $68外皮晶莹剔透，富有咬口，皮薄馅大，鲜虾够鲜甜！ 🐔◖XO酱蒸凤爪◗ $68凤爪皮爽口，带有淡淡嘅瑶柱香味，唔会淋到烂晒，索汁微辣。🥠◖香煎手工萝白榚◗ $68萝白榚外层煎到金黄色，外层脆皮里面好软熟，食到有条条有萝卜丝，腊肉同虾米。面头淋上自家制XO酱，令腊味嘅味道更出 ，好鲜甜好香，落咗黑胡椒，微辣几惹味！🍝◖名门星州炒米◗ $148米粉炒得够镬气，干身弹牙又够腍，食到用咗好多咖哩粉所以够辣！上面嘅叉烧都几好食，唔会觉得梅肉，仲有叉烧、鸡蛋丝、虾仁同辣椒丝，够足料！🍞◖流沙合桃包◗ $58流沙奶皇包就食得多，流沙合桃包真系第一次听！趣致合桃外型，里面系粒粒合桃，有丰富嘅油脂，食落去甜甜地，满满嘅合桃味！🍥◖酒香花螺◗ $268好浓花雕酒味，螺肉好结实爽
------------------------------
🦐◖鲜虾虾饺◗ $68外皮晶莹剔透，富有咬口，皮薄馅大，鲜虾够鲜甜！
🐔◖XO酱蒸凤爪◗ $68
凤爪皮爽口，带有淡淡嘅瑶柱香味，唔会淋到烂晒，索汁微辣。
🥠◖香煎手工萝白榚◗ $68
萝白榚外层煎到金黄色，外层脆皮里面好软熟，食到有条条有萝卜丝，腊肉同虾米。面头淋上自家制XO酱，令腊味嘅味道更出 ，好鲜甜好香，落咗黑胡椒，微辣几惹味！
🍝◖名门星州炒米◗ $148
米粉炒得够镬气，干身弹牙又够腍，食到用咗好多咖哩粉所以够辣！上面嘅叉烧都几好食，唔会觉得梅肉，仲有叉烧、鸡蛋丝、虾仁同辣椒丝，够足料！
🍞◖流沙合桃包◗ $58
流沙奶皇包就食得多，流沙合桃包真系第一次听！趣致合桃外型，里面系粒粒合桃，有丰富嘅油脂，食落去甜甜地，满满嘅合桃味！
🍥◖酒香花螺◗ $268
好浓花雕酒味，螺肉好结实爽甜，入味但口味偏重，拎黎做佐酒小食唔错！
🐷◖沙姜陈醋猪手◗ $88
一樽有七到八件，每件都大大件！陈醋好香浓，闻落有啲似猪脚姜嘅味道，口感好爽脆食到满满嘅骨胶原，味道超浓郁入味，食落有啲咸，用拎黎送饭一流！
Encore指数：8/10
------------------------------
餐厅景观几开扬，一路食一路望住出面人来人往，同埋个马场，叹返一盅两件，都几写意！想食晚市嘅私房菜就记得要book定，食材要预先准备，walk-in唔到㗎！
张贴
