紅豆廚房

营业中

休息中

平日嘅中午一点倒去到，呢度要揸车先嚟到，所以星期六日都几多人嚟，有时可能冇车位添。呢度嘅餐厅大部份都有露天位，因为方便带宠物既食客同食烟既客人。呢间餐厅以前好似系私房菜，而家晏昼都有做，但系感觉上好似普通茶餐厅咁。我哋一去到就有位，侍应服务都好好，笑容可亲。我哋叫咗个葱油手撕鸡煎蛋饭同埋葱油猪扒煎蛋饭。分量正常唔算大碗。葱油好香，捞饭一流。手撕鸡本身冇咩味，但系都几滑同埋鸡嘅份量都足料。太阳蛋煎到脆边👍🏻。佢块猪扒唔算厚但系好大块，食落几软熟唔会干身。值得一题杯冻咖啡几好饮。