影片
更多
2024-09-16
556 浏览
平日无啦啦约人打边炉，去到上环，就喺E2出口附近嘅世瑛大厦。“汤煲私房火锅”点解会叫做”私房”火锅？首先佢比其他火锅店有多啲特色菜，亦都坐得舒服，最重要佢好啱一班人嚟搞酒局，因为喺佢度消费满$1000就可以免开瓶费。当然，最重要其实系嘢食，咁就试吓佢啲较有特色嘅火锅同配料。即炸鱼皮及响铃双拼 $108首先嚟咗呢个，因为严格嚟讲佢唔系火锅配料，佢系餐前小食，鱼皮同响铃都系即炸，入口松脆，充满油香，亦有提供酱料点，但唔建议点汤底嚟食。滋阴花胶鸡煲 $388同其他花胶鸡锅类似，所以亦都系一滚就先饮汤，食埋啲花胶同鸡先再落配料。花胶颇厚切，鸡就正常发挥。特别在个汤非常浓郁，饮完再食鸡，先饱了一半😅。顶级本地手切骟牯牛 (例牌) $428骟牯牛即是一岁左右进行阉割嘅公牛。由于精力保留咗，牛味会变得非常浓郁。而佢亦都切得好厚，简单嚟讲系充满牛味嘅厚肉，最啱就系点酸辣豉油嚟食，非常滋味。水晶奶皇包 味噌大根黑豚饺 双拼 $108水晶包系今日嘅surprise，甜甜地漏啲奶黄出嚟，当汤圆食都得！黑豚饺大只多料，点咩酱都得。竹笙带子丸自家制虾丸双拼 $178竹笙带子丸喺呢度嘅名菜，就系啲丸入边有埋带子竹
“汤煲私房火锅”
点解会叫做”私房”火锅？首先佢比其他火锅店有多啲特色菜，亦都坐得舒服，最重要佢好啱一班人嚟搞酒局，因为喺佢度消费满$1000就可以免开瓶费。当然，最重要其实系嘢食，咁就试吓佢啲较有特色嘅火锅同配料。
即炸鱼皮及响铃双拼 $108
首先嚟咗呢个，因为严格嚟讲佢唔系火锅配料，佢系餐前小食，鱼皮同响铃都系即炸，入口松脆，充满油香，亦有提供酱料点，但唔建议点汤底嚟食。
滋阴花胶鸡煲 $388
同其他花胶鸡锅类似，所以亦都系一滚就先饮汤，食埋啲花胶同鸡先再落配料。花胶颇厚切，鸡就正常发挥。特别在个汤非常浓郁，饮完再食鸡，先饱了一半😅。
顶级本地手切骟牯牛 (例牌) $428
骟牯牛即是一岁左右进行阉割嘅公牛。由于精力保留咗，牛味会变得非常浓郁。而佢亦都切得好厚，简单嚟讲系充满牛味嘅厚肉，最啱就系点酸辣豉油嚟食，非常滋味。
水晶奶皇包
味噌大根黑豚饺
双拼 $108
水晶包系今日嘅surprise，甜甜地漏啲奶黄出嚟，当汤圆食都得！黑豚饺大只多料，点咩酱都得。
竹笙带子丸
自家制虾丸
双拼 $178
竹笙带子丸喺呢度嘅名菜，就系啲丸入边有埋带子竹笙同一啲芫荽。自家制虾丸同样大粒，食个非常爽口弹牙，最重要系够晒大粒，一人食两粒已经几饱。
自家煲酸梅汤 (杯) $38
酸梅汤系佢哋自家制，味道充足，唔会好水，亦好解渴。
酱料 $30/位
特别要讲佢个酱料，系因为佢有自家制虾干酱，呢个酱系攞嚟点咩都好食，远远攞到嚟已经闻到好强嘅虾干味。
呢度嘅火锅好有私房菜特色，服务贴心，服务员一定喺左近serve你，就连每样配料要涮几多秒都写咗喺Menu上面，基本上嚟得呢度食，一定会系享受。
张贴
