魔膳工房 (已易手) 新餐厅

今日约左朋友食晚饭，朋友在apm放工，上openrice见有间私房菜就在附近，就上去食下。见几特别，有今日特别餐。最后我们选择左一个牛，一个羊，都系六成熟。餐汤今日有红腰豆同罗𩠌汤选择，我们见红腰豆嘅汤都未饮过，就饮下啦。饮落有小小粒粒状嘅豆豆味再配上有小小忌廉味，几特别，唔错。蒜蓉包外皮好脆，蒜蓉味浓，唔错。到主菜上枱，我朋友叫左个纽西兰肉眼牛扒六成熟，卖相几吸引，跟薯菜，有瓜，薯仔。我朋友原本想食五成熟，牛扒食落比她想像中熟，食落有d像八成，肉质一般粗糙，牛肉味浓，味道一般，有点像西冷牛扒嘅质感。到我嘅羊架六成熟上枱，睇落卖相唔错。食落味道唔错，唔会太苏。六成熟都几香口，我朋友唔太食羊，食左小小后都想食件，我就给左一件给她。她刚好食左件睇落好熟嘅羊架，食落有八九成，她说较熟。厨师对生熟嘅火喉有小小参次，不过味道都可以。个餐包一杯饮品，我就叫左个桃味嘅红茶，饮落几消化，食左几多肉。最后我们叫左个朱古力特浓嘅朱古力味蛋糕，反而依个蛋糕几好味，睇落好像软软的。食落原来系一层一层嘅朱古力，几好食。