名人私房菜 (已搬遷) 新店位置

工作繁忙，有时约朋友见面都要花上数星期先约得齐人～～一星期前，终于定到日子！朋友提议去食私房菜，贪佢静静地，又可以坐得耐少少～～咁就顺便订埋位。今晚私房菜嘅位置喺尖沙咀，旺中带少少静，喺北京道附近嘅商住大厦，唔难揾。可能提前订定位，店员安排咗间房俾我哋，够私稳又宽敞～坐低无耐，店员好快就上菜～首先，有<大白菜猪肺汤>，火喉十足，足料又清甜！<凉拌手撕鸡>配料丰富，而且酸酸甜甜嘅酱汁配搭清新，够晒开胃！<炸蟹钳>好弹牙，馅料好实在，配埋自家酱，一流呀！<鲍汁花胶扣鹅掌>火喉够所以好入味，胶质好重，全部又大大只，好正呀！<糖醋松子鱼>炸得够干身，入面滑外面脆卜卜，配埋个糖醋汁，𩠌返一流！<胡椒虾>好够胡椒味，入口有少少辣味，但系又唔会抢咗虾嘅鲜味！配埋炸到脆卜卜嘅九层塔一齐食，味道好夹呀！<虾干肉碎通菜>用咗大大只嘅虾干再加埋肉碎一齐炒，咸味好够，又够镬气，好食！<芒果布甸>芒果布甸当然唔少得配埋花奶一齐食啦，又香又滑，正呀！