公館 (已搬遷) 新店位置

几年前已经来过一次，是朋友40岁大寿包场，感觉都几有特色同几好食。这是第二次来此私房菜会所，D𩠌已经大部份唔同晒。经理话我听D菜式系随客人口味同喜好而慢慢修改。六小碟好似同以前差唔多，神仙茄子系我挚爱，再食番都几过瘾， 重有一碟系翠玉瓜丝拌海蜇皮，微辣，几爽脆，都几好食。牛展就薄咗D，分量可以多番些少。食完冷盘就上热嘢，第一道就系炸威化鸽柳卷，几年后再回味都一样超好食。我朋友问攞少少辣酱点下，又几配。另外几个唔食辣，所以就斋食炸卷。跟住上咗碟焖猪蹄，超正！ 以为系糖醋汁，侍应话我知系梅子酒香焖元蹄。我怕肥只食瘦肉，朋友就肥瘦齐齐吞吃，羡慕死佢地食得咁尽兴！值得推介系个老火汤，好似有螺头冬菇眉豆之类，好鲜浓！炸黄花鱼都OK啦，几香口。只红槽焗鸡都好好味，鸡肉都几嫩，不过已经好饱所以食一件仔就算。朋友将剩余打包带走。我问侍应可否订三至四位，佢话要至少八位。 有时得几丁人㖞，如果有细枱就正！装修都几优雅，都几适合请客。