影片
更多
2021-09-06
1831 浏览
今日又黎左呢间隐世餐厅😛私心推介 (其实已经系第三次黎🤣)位于镛记大厦6-7楼既The Town，一般街客都应该唔会识黎😂因为佢门口系有个For Members Only既牌，但其实一般大众都可以book到位㗎😜呢度真系好岩平时中环返工，要同老细/客人食business lunch但又怕太贵既人。因为呢度环境超好，人又唔多，食物质素好ok，最重要系三百蚊一位左右埋到单！先睇下餐厅环境，装修新净舒服企理！补充多句，6楼系食set lunch，7楼系一枱枱饮茶，逐道菜一位位咁上 (呢度系6楼)。野食方面，今次食左set lunch~日式set lunch: 日式set lunch 次次去个组合都有啲唔同，上次食系麻酱乌冬配和牛，今次就系照烧汁吉列猪扒蛋饭，配麻酱豆腐沙津，小食就系炸麻薯芝士球同鸡骨肠。当然仲有面豉汤啦~ 卖相够哂丰富之余，味道好唔错。其中个炸麻薯芝士球系流心既，鸡骨肠就正常~反而豆腐沙津又几开胃！因为佢加左啲海澡落去，令到整个沙津口感好丰富！至于主食，猪扒够大块炸得岩岩好，唔会好厚炸粉，而且个蛋既份量唔会太多太厚or过熟。加上照烧汁，紫菜同木鱼花做点缀，成个饭个口味配撘就出
位于镛记大厦6-7楼既The Town，一般街客都应该唔会识黎😂因为佢门口系有个For Members Only既牌，但其实一般大众都可以book到位㗎😜
呢度真系好岩平时中环返工，要同老细/客人食business lunch但又怕太贵既人。因为呢度环境超好，人又唔多，食物质素好ok，最重要系三百蚊一位左右埋到单！
先睇下餐厅环境，装修新净舒服企理！
补充多句，6楼系食set lunch，7楼系一枱枱饮茶，逐道菜一位位咁上 (呢度系6楼)。
野食方面，今次食左set lunch~
日式set lunch: 日式set lunch 次次去个组合都有啲唔同，上次食系麻酱乌冬配和牛，今次就系照烧汁吉列猪扒蛋饭，配麻酱豆腐沙津，小食就系炸麻薯芝士球同鸡骨肠。当然仲有面豉汤啦~
卖相够哂丰富之余，味道好唔错。其中个炸麻薯芝士球系流心既，鸡骨肠就正常~反而豆腐沙津又几开胃！因为佢加左啲海澡落去，令到整个沙津口感好丰富！至于主食，猪扒够大块炸得岩岩好，唔会好厚炸粉，而且个蛋既份量唔会太多太厚or过熟。加上照烧汁，紫菜同木鱼花做点缀，成个饭个口味配撘就出其地好！P.s. 上次个日式lunch set我都好怀念！
日式Set Lunch
46 浏览
0 赞好
0 留言
点心set lunch: 呢个系The Town既列牌菜，第一次去食既，必试点心餐！前菜有分别一件烧卖，虾蛟春卷同一碗汤。虽然虾饺烧卖都系正常水准，不过春卷就炸得好热好烫心！而且个汤都系冇味精既自家靓汤！但重点都唔系呢啲！重点系之后果碗龙趸汤乌冬！入面有四块好厚实皮滑既大龙趸，加上芫荽，草菇，同浓浓既鱼汤底，真系好夹好好食！面质系有少少扁身既幼乌冬，有啲似上海面既质感。份量亦都好够一个成年男性食到饱！虽然我个人都麻麻地芫荽，不过呢个鱼汤真系唔会好重芫荽味，好食到绝对会令人想encore!!
点心set lunch 头盘
55 浏览
1 赞好
0 留言
龙趸乌冬
31 浏览
0 赞好
0 留言
最后set lunch 都系有餐茶，不过冇影相~The Town真系食过三次，三次都觉得高质好食！我自己个人就中意食set lunch多过饮茶模式。价钱又平啲，如果share set既又多啲野食😆私心推荐呢间餐厅😋不过都系希望唔好咁多人知有呢个地方，等我继续可以自私食，book位都易啲嘛🤪
(For reference: set lunch $560/2 pax. 上次7楼饮茶$1000/3 pax.)
张贴
