日本野 (已結業)

今日同朋友经过旺角西洋菜街，刚好遇着午饭时间，就上咗嚟银座9楼呢间叫「日本嘢」度，试吓佢嘅午餐。入到去餐厅空间感大，我哋坐喺卡位，舒服得来私隐度高，看看餐牌，Set lunch 价钱大约$60-$120，有热食及刺身定食。我叫咗个刺身拼盘拼猪骨汤乌冬，朋友就叫咗咖喱牛肋条饭，包餐饮。刺身拼盘有三文鱼、八爪鱼、油甘鱼、甜虾及带子，全部都新鲜，特别一提八爪鱼，我试过出面好多八爪鱼都比较硬，佢呢度八爪鱼唔硬容易食，有惊喜，猪骨汤乌冬就不过不失。朋友的咖喱牛肋条饭，面头加咗木鱼花及红萝卜，朋友表示牛肋条太大条，可以的话切细啲应该更加入味，但味道不错。饮品方面，通常食日本嘢都唔会预佢嘅饮品有港式茶餐厅嘅质素，但惊喜地呢度嘅奶茶及咖啡唔错，另外有淡奶另上，浓度可以自己调。总括而言，呢间「日本嘢」就午餐来讲性价比可以，坐得舒服私隐度高，经过开值得一试。