影片
更多
2024-11-07
72 浏览
秋冬盛产我钟情嘅海鲜，好值得食返餐omakase过足口瘾。太刀鱼卷包左牛蒡同萝卜渍物，口感同味道都好丰富。 鲷鱼明太子一条条有咸香、岩𩠌酒，栗子甘露煮软糯香甜。再黎一碗热汤，菇味好香浓。和歌山石斑清而不淡，点左醋汁依然食到清甜嘅鱼味。间八睇落似油甘鱼但食落完全唔同，鱼油多到仅次拖罗。甘海老鲜艳诱人，好似放大版嘅甜版咁，虾味好浓。北寄贝、水八爪鱼同白见贝系口感三重奏，由偏软滑爽身，去到越黎越爽脆。 当中白见贝留下最深印象，界乎贝类同鲍鱼之间嘅口感，超级甜。师傅话每年得两三个月食到靓筋子，轻轻腌过配萝卜蓉一齐食唔会太咸，筋子好有弹性，非常新鲜。目光鱼唐扬同炸虾丸体现到师傅炸物嘅功架，一啲都唔油腻好干爽，两款都只系上左薄薄嘅粉，目光鱼酥脆鱼头好香，虾丸滑溜。 炸白虾细细只，同平时鱼仔零食异曲同工，食唔停口。寿司款式组合我觉得都几完整，浓淡同唔同口感都有齐。 较浓味嘅关鲭同秋刀鱼入口带爽有弹性，有独特嘅鱼味但完全唔会腥。金目鲷软滑之中感受到鱼皮嘅弹性，独特嘅鲷鱼香同油脂好突出。帆立贝拎上手已经觉得好软，香甜幼滑，入口即融。鱿鱼爽滑一啲都唔粉，好新鲜。中拖罗同大拖罗都系我同朋友嘅心头好，鱼油丰盈
太刀鱼卷包左牛蒡同萝卜渍物，口感同味道都好丰富。 鲷鱼明太子一条条有咸香、岩𩠌酒，栗子甘露煮软糯香甜。
再黎一碗热汤，菇味好香浓。
和歌山石斑清而不淡，点左醋汁依然食到清甜嘅鱼味。
间八睇落似油甘鱼但食落完全唔同，鱼油多到仅次拖罗。
甘海老鲜艳诱人，好似放大版嘅甜版咁，虾味好浓。
北寄贝、水八爪鱼同白见贝系口感三重奏，由偏软滑爽身，去到越黎越爽脆。 当中白见贝留下最深印象，界乎贝类同鲍鱼之间嘅口感，超级甜。
师傅话每年得两三个月食到靓筋子，轻轻腌过配萝卜蓉一齐食唔会太咸，筋子好有弹性，非常新鲜。
目光鱼唐扬同炸虾丸体现到师傅炸物嘅功架，一啲都唔油腻好干爽，两款都只系上左薄薄嘅粉，目光鱼酥脆鱼头好香，虾丸滑溜。 炸白虾细细只，同平时鱼仔零食异曲同工，食唔停口。
寿司款式组合我觉得都几完整，浓淡同唔同口感都有齐。 较浓味嘅关鲭同秋刀鱼入口带爽有弹性，有独特嘅鱼味但完全唔会腥。
金目鲷软滑之中感受到鱼皮嘅弹性，独特嘅鲷鱼香同油脂好突出。
帆立贝拎上手已经觉得好软，香甜幼滑，入口即融。
鱿鱼爽滑一啲都唔粉，好新鲜。
中拖罗同大拖罗都系我同朋友嘅心头好，鱼油丰盈又软滑，满足到要合埋眼仔细品味。
赤身系酱油渍做法，鲜度同日本小店比依然有天渊之别，食得出系最中心嘅位置好幼嫩。
厚岸海胆成排咁上，寿司饭同紫菜都完全冇冲淡到个鲜味，齿颊留香。
甜品有自家制南瓜蛋糕，天然滑甜，蜜瓜爆甜。
张贴
