富豪酒家

营业中

休息中

原来富豪酒家唔止得鲍参翅肚，仲有秋冬时令菜式，好啱亲朋戚友聚会。✨鲜螺头花胶炖汤味道鲜甜浓郁，一啲都唔油腻。螺头弹牙有咬口，花胶又滑又有胶质。而且花胶份量好多，有𠮶种食极都仲有嘅感觉🤣。✨枝竹羊腩煲好浓郁嘅柱侯酱汁，但系煮耐咗都唔会特别咸。羊腩肥瘦有致，肉质好软腍。仲可以落埋生菜索晒啲汁。✨原煲油鸭腊味饭佢哋嘅腊味真系特别好食。香得嚟唔会太咸，尤其系腊肠同膶肠，两样都比平时食嘅好味。同埋啲香味渗晒落啲米饭度，唔使加豉油都好正。最后仲有糖水—蛋白杏仁茶。