影片
更多
2022-10-15
526 浏览
慈云山时代冰室时代冰室之前成日听闻，早两日系慈云山𠮶头打完波揾嘢食，见到时代冰室做紧秋季限定menu，有一人火锅同煲仔饭，呢排天气转凉啱啱好入去试吓。坐低好肚饿两个人叫咗一个珍宝海鲜锅、一个麻辣肥牛炒乌冬、同埋一个北菇腊肠滑鸡煲。珍宝海鲜锅由个汤底海鲜出嚟，个煲一上枱盖都未开就好香浓虾味！成个餐唔使$100但料都好多，海鲜类有鲜虾、飞鱼籽虾滑、帆立贝、蟹棒、黑鱼片、仲有长洲大鱼蛋，仲有一大个蔬菜盘，同埋香口类鬼马油炸鬼、响铃、狮子狗卷等等！仲包一整个乌冬同贡丸，真系多到两个人食都够饱。我哋仲用coupon $10换多碟肥牛，夹埋个虾汤食真系不错。秋冬季必食煲仔饭，我叫咗个北菇腊肠滑鸡煲仔饭。一开盖就好香腊味味，同埋啲𩠌多到睇唔到下面有饭咁济。腊肠有咬口油脂分明又香口，滑鸡都啖啖肉同唔会鞋烚烚，凉凉哋食落够晒暖。$68足料煲仔饭都好抵。最后就系上个麻辣肥牛炒乌冬，又系好大碟抵食！仲落咗几只辣椒落去炒，麻辣味好出，啱晒我哋呢啲无辣不欢嘅人。肥牛够多之余亦唔会好肥腻啖啖油咁。成个炒乌冬系用铁板上，可以keep住食物温度更耐！𠮶日coupon仲可以特价叫珍宝水果茶！啱晒一路打边炉一路饮！siz
时代冰室之前成日听闻，早两日系慈云山𠮶头打完波揾嘢食，见到时代冰室做紧秋季限定menu，有一人火锅同煲仔饭，呢排天气转凉啱啱好入去试吓。
坐低好肚饿两个人叫咗一个珍宝海鲜锅、一个麻辣肥牛炒乌冬、同埋一个北菇腊肠滑鸡煲。
珍宝海鲜锅由个汤底海鲜出嚟，个煲一上枱盖都未开就好香浓虾味！成个餐唔使$100但料都好多，海鲜类有鲜虾、飞鱼籽虾滑、帆立贝、蟹棒、黑鱼片、仲有长洲大鱼蛋，仲有一大个蔬菜盘，同埋香口类鬼马油炸鬼、响铃、狮子狗卷等等！仲包一整个乌冬同贡丸，真系多到两个人食都够饱。我哋仲用coupon $10换多碟肥牛，夹埋个虾汤食真系不错。
秋冬季必食煲仔饭，我叫咗个北菇腊肠滑鸡煲仔饭。一开盖就好香腊味味，同埋啲𩠌多到睇唔到下面有饭咁济。腊肠有咬口油脂分明又香口，滑鸡都啖啖肉同唔会鞋烚烚，凉凉哋食落够晒暖。$68足料煲仔饭都好抵。
最后就系上个麻辣肥牛炒乌冬，又系好大碟抵食！仲落咗几只辣椒落去炒，麻辣味好出，啱晒我哋呢啲无辣不欢嘅人。肥牛够多之余亦唔会好肥腻啖啖油咁。成个炒乌冬系用铁板上，可以keep住食物温度更耐！
𠮶日coupon仲可以特价叫珍宝水果茶！啱晒一路打边炉一路饮！size够大又fresh。
张贴
