掌壽司 (已結業)

观塘出名好多好嘢食，今日就试咗一间隐藏喺骆驼漆大厦嘅日本嘢。首先嚟嘅前菜系木瓜沙律配南瓜酱，食落清新得嚟又唔会好似平日嘅青瓜沙律咁闷，而且加咗少少干蒜，令口感爽脆得嚟带少少辣味，好惹味好开胃。之后系寿司盛 三点：油甘鱼好肥美，油脂分布均匀；小肌鱼味相对重，鱼肉亦都比较结实；碎葱吞拿鱼就加咗芝麻点缀，食落有吞拿鱼同埋芝麻嘅香味。餐厅亦都送咗时令𩽾𩾌鱼肝做伴菜，虽然听落好夸张，但系人生第一次食𩽾𩾌鱼肝，简直惊为天人，鱼缸嘅味道浓沃，同时比鹅肝多一阵鲜味，呢一个月都系当造嘅月份。之后就系刺身盛 六点：有时令秋刀鱼、大拖罗、三文鱼腩、帆立贝、赤贝同赤虾。根据餐厅嘅建议，我哋油味道比较淡嘅海鲜开始食：赤虾非常多肉，帆立贝则非常鲜甜，赤贝肉质爽口，到戏肉嘅三文鱼腩，味道新鲜浓沃，当以为已经好好味嘅时候，一口咬落去大拖罗非常肥美，入口即溶，过咗一阵个口仍然残留住拖罗嘅油脂感。今晚真系试咗好多从来未食过嘅菜式，刺身最后一味系秋刀鱼，之前都从来未试过生食，食落去鱼皮同鱼肉都好滑，系十月尾秋天嘅期间限定先有咁肥美嘅秋刀鱼。餐厅另外上咗一碟酱油葱，配合秋刀鱼味道比较浓嘅味道一齐食。餐厅嘅热食都唔马虎，有盐烧