新麻蒲 BBQ (波斯富街) (已結業)

开始有少少凉意，又系打边炉嘅热门季节！今日A姐话要食韩式火锅，唔通系主要食餐肉同肠仔嘅部队锅？跟住佢行吓行吓就嚟到平时食开韩烧，位于铜锣湾嘅新麻蒲，乜新麻蒲都有火锅食咩？原来近期推出由韩厨主理嘅韩式锅物，分别有牛肉野菇韩锅同人气海鲜韩锅，真系要即刻试试！人气海鲜韩锅汤底有两款可拣，分别系正宗辛辣同清甜原味。咁食得韩式火锅，当然系拣正宗辛辣啦！正宗辛辣唔算太辣，呢啲天气食仲够晒暖笠笠。人气海鲜韩锅入面嘅海鲜由韩国直送，够晒新鲜同有保证。锅内有虾、青口、蚬、鱿鱼、扇贝同蔬菜等，份量都算多，两个人食啱啱好。其中我哋就最钟意扇贝，超鲜甜又厚肉；而虾同鱿鱼都好弹牙，索晒正宗辛辣汤底嘅精华。够晒过瘾。最后饮埋成jar西柚果醋好满足。