秋意 (成業工業大廈)

营业中

休息中

收工之后又嚟成业呢度揾野食，入面得厨师一个人，见佢都好忙，咩都一脚踢，又要整外卖又要招呼客人，嚟食饭嘅话要体谅下佢得一个人。见佢有炖汤就一人叫咗一个准杞圆肉炖螺头花胶汤$72 嚟补下， 个汤真系几足料，螺头都食丁两粒，又有块花胶，仲有只鸡脚，个味几浓。另外再叫咗招牌去骨口水鸡便当 $60 同秋意酸菜鱼汤面 $62 嚟share ，个口水鸡便当d汁系分开，怕辣可以唔点咁多，饭上面有d饭素，不过我对d饭素就一般般，个鸡去咗骨就几好，方便入口。个酸菜鱼面就争dd，个面好淋，d鱼系几爽口，但个汤底感觉唔太够味。佢有特制冷泡茶，我地叫咗陈皮普洱茶 $24 同鸳鸯柠檬茶 $24 ，两支都几好饮，食完野解下油腻都不错。