Amour Garden Grill & Bar (已結業)

秋意渐起。放工忽想BBQ，于是约同三五知己一齐去都市中BBQ。上网搜寻之下，见到旺角鼓油街有场就毫不犹豫就去啦…虽然揾路比较困难，但系一上到去地方环境都唔错，而且外面环境亦都几舒服，微暗灯光配合轻快柔和音乐，令人系呢个都市中忙里偷闲。呢到既BBQ系有分不同时段不同价钱，而且呢到BBQ系属自助形式，食物同饮品都放系不同既冷冻柜中，任由自己自取。食物方面款式亦都多:猪牛鸡当然唔小得啦，仲有烟鸭胸，猪颈肉肠仔，不同款式既丸类，当然唔少得我最爱既粟米同蒜蓉金菇啦…呢到除左好似平时用既炭炉之外，仲有新式既石炉，火喉易于控制之外，令热力更加平均。好适合我地呢啲四人烧烤。闲谈之间，食物开始焦香金黄。呢到食物份量好足料，整块牛扒完全可以盖住炉面。每款肉类都好厚肉，而且腌制既肉类烧出来的味道唔错。味道刚刚好并食出肉类既鲜味，尤其系鸡翼，味道真系一流，甜甜焦香令人垂涎三尺。友人们仲不断添食添!!!!!旁边蕃薯粟米同金菇已经熟左啦…热气腾腾既香气从锡纸中散发出黎。蕃薯同粟米味道香甜软滑。金菇吸收哂蒜蓉既香气，十分惹味。