影片
更多
2020-11-18
3984 浏览
最近比较多介绍啲平民化嘅餐厅，但有重要场合，例如生日，周年纪念等，平时食得几颓都好，点都要花花心思食餐好❤️ 依间大家可以放心bookmark 定~ 餐厅以深灰同木色作主调，有格调得嚟带点日式嘅味道。夜晚omakase 最平唔洗一千就食到，算系几亲民~ 随住季节嘅转变，师傅都会采用返当造最新鲜嘅食材🐟 依家正值秋季，就引入左白子，鲷鱼等，所以大家见到心头好嘅就好快啲试喇，过左season就喊到冇用🤣-Omakase 晨($1180) 包括 先付，五款刺身，五款寿司，吸物，料理同甜品。小前菜- 冰豆腐，配以海胆同鱼子作开头。卖相精美，鲜嫩嘅海胆同味道清幽嘅豆腐一齐食，感觉轻盈带鲜甜~*- 刺身-第一份嘅鱼生已经令人大开眼界🤩 用圆形玻璃缸盛载住石鲷鱼生片，加入酸汁同紫苏叶。望落就好似欣赏紧日本冬日庭院嘅景色咁。师傅会注入液态氮，并系面层用纸拉出一个薄膜，当气体向上升嘅时候个波就越来越大，到最后爆破一刻白烟四散，好似仙景一样❤️ 石鲷嘅口感就比较结实，鱼味重，配上酸汁几开胃*最近鳕鱼白子(精巢位置)进入当造期，唔少日本人都开始将白子入馔，除左刺身外，仲会用嚟煲汤，高技巧啲嘅会用嚟做天妇罗~ 🥢
-
Omakase 晨($1180) 包括 先付，五款刺身，五款寿司，吸物，料理同甜品。
小前菜- 冰豆腐，配以海胆同鱼子作开头。卖相精美，鲜嫩嘅海胆同味道清幽嘅豆腐一齐食，感觉轻盈带鲜甜~
*
- 刺身-
第一份嘅鱼生已经令人大开眼界🤩 用圆形玻璃缸盛载住石鲷鱼生片，加入酸汁同紫苏叶。望落就好似欣赏紧日本冬日庭院嘅景色咁。师傅会注入液态氮，并系面层用纸拉出一个薄膜，当气体向上升嘅时候个波就越来越大，到最后爆破一刻白烟四散，好似仙景一样❤️ 石鲷嘅口感就比较结实，鱼味重，配上酸汁几开胃
*
最近鳕鱼白子(精巢位置)进入当造期，唔少日本人都开始将白子入馔，除左刺身外，仲会用嚟煲汤，高技巧啲嘅会用嚟做天妇罗~ 🥢 今次依个白子完整度几高，颜色雪白，用火枪轻轻烧香面层，再配以柚子酸汁食用。味道柔滑浓郁，外面焦香带微脆~
*
生蚝用左依两年开始盛行嘅” 令和の怪物”🦪 个名认真够霸气，size大过一只手掌✋🏻 海水味较重而且够creamy
*
-寿司🍣-
•赤海虾 配蟹膏面鼓酱: 虾肉鲜甜厚肉够爽弹，加上蟹膏酱加强左个鲜味同添上一份咸香
•北寄贝寿司: 特别在于底部向上，再用火枪烧过，咁嘅方法更能保持鲜味同更香口
•𩽾𩾌鱼肝: 鱼肝系偏向浓味同creamy，所以配埋面层嘅西瓜奈良渍，脆口带咸酸，大大减低腻嘅感觉。
•赤海胆: 偏薄身，鲜味中带回甘
•中拖罗: 接近大拖，油脂重，无乜筋 ，入口好舒服😌
*
- 御料理-
用高温油炸连皮同鱼鳞嘅金鲷，鳞片间trap住哂啲鱼油香😻 咬落好松脆，而下层嘅鱼肉软绵得嚟充满肉汁。旁边用银杏同红叶面筋衬托，由上而下望就好似一幅画咁，充满秋意🍁
张贴
