影片
更多
2020-04-18
1554 浏览
有杂志推荐呢间黄店，大大只秋生个样话好食，过咗好耐终于同朋友嚟一试究竟。两个女子食量少，所以叫嘢就住就住，只试咗几样。首先上枱系一煲鱼汤，天气冻又落雨饮热汤最正。依个系细份，两个人都每人饮到3碗，但系！好腥！上枱非常滚烫，但依然闻到好重腥味，饮落更加系腥，汤系好饮，但怕腥既朋友最好“不了”。饮住鱼汤，一碟贵妃蚌都上枱，跟人头一人一只，系平时都可以食到既好味，不过都跟平时一样食到砂，唔知系咪每间既贝类都有依个问题。仲有碟芝士捞公仔面无影到，点解？因为太好食，影唔切。本身想叫乌冬，但朋友唔钟意食乌冬，于是叫咗邪恶既公仔面，我本身对芝士无特别喜好，但今次如果唔系要矜持，我一个人可以食两碟。最后上枱一份“don't 升班”骨，呢个真系有斑，唔使俾食环告。上枱前老细话会好细件，但本身唔系好食得就叫佢即管上，嚟到又唔觉。未试过慢煮其他野，但就呢件骨嚟讲我觉得好油，包括临上碟前淋既熟油，有d扣分，但整体嚟讲系好食。骨煮到透，可以嚼，但始终件骨唔细，唔可以成件煮到摆落口。败笔系d葱同豉油，淋油个时淋d唔淋d，好多葱上枱仲系生，个阵辣味同碟菜完全唔夹，对于我依d钟意食葱既人好唔友善。其实仲有一笼菜心，叫
两个女子食量少，所以叫嘢就住就住，只试咗几样。
首先上枱系一煲鱼汤，天气冻又落雨饮热汤最正。依个系细份，两个人都每人饮到3碗，但系！好腥！上枱非常滚烫，但依然闻到好重腥味，饮落更加系腥，汤系好饮，但怕腥既朋友最好“不了”。
饮住鱼汤，一碟贵妃蚌都上枱，跟人头一人一只，系平时都可以食到既好味，不过都跟平时一样食到砂，唔知系咪每间既贝类都有依个问题。
仲有碟芝士捞公仔面无影到，点解？因为太好食，影唔切。本身想叫乌冬，但朋友唔钟意食乌冬，于是叫咗邪恶既公仔面，我本身对芝士无特别喜好，但今次如果唔系要矜持，我一个人可以食两碟。
最后上枱一份“don't 升班”骨，呢个真系有斑，唔使俾食环告。上枱前老细话会好细件，但本身唔系好食得就叫佢即管上，嚟到又唔觉。未试过慢煮其他野，但就呢件骨嚟讲我觉得好油，包括临上碟前淋既熟油，有d扣分，但整体嚟讲系好食。骨煮到透，可以嚼，但始终件骨唔细，唔可以成件煮到摆落口。败笔系d葱同豉油，淋油个时淋d唔淋d，好多葱上枱仲系生，个阵辣味同碟菜完全唔夹，对于我依d钟意食葱既人好唔友善。
其实仲有一笼菜心，叫咗最普通个只，本来以为会系原味，点知上枱系蒜蓉菜脯蒸，而且一餐饭食完先蒸到比我，我谂如果唔系我催单，老细可能仲慢慢劈紧柴。菜心系几甜几嫩，但我唔钟意个菜脯同蒜蓉，始终睇名系无预期会咁重口。
铺头好细，装饰几靓，但个厕所门开咗，坐系度闻住厕所味食饭都几无瘾。个头都好多餐厅，呢间可能要再加把劲先可以突围而出。
埋单每人都过200，抵唔抵就见仁见智啦。
阿妈鱼汤
47 浏览
0 赞好
0 留言
贵妃蚌
49 浏览
0 赞好
0 留言
慢煮东星斑骨
38 浏览
0 赞好
0 留言
张贴
