蛇王燊

营业中

休息中

秋风起，一班同事都想去补补佢，为身体打个底。所以就去左湾仔最出色食蛇的蛇王去食个蛇羹！我点左最钟意的套餐组合「蛇羹+蛇汤+田鸡煲仔饭」。煲仔饭其实重有好多种，例如腊味饭丶滑鸡饭丶蛇腩饭等等，但系田鸡饭系我的至爱！点完餐就去左对面大厦2楼的露天天台度等食，好有风味。装到超满的蛇羹非常足料，蛇肉一丝丝唔会硬，木耳够爽口，口感非常好。劲钟意佢台面任食的蛋散，同蛇羹真系一个无得输的组合。食完岩岩好煲仔饭黎到，再焗佢一阵，贪佢有饭焦。饭已经调左味，所以唔需要用到台面上的煲仔饭酱油。田鸡肉劲鲜甜，肉质好爽口，每旧田鸡肉都好胀卜卜，够哂肥美。而且田鸡每旧都好干净，证明店家好用心处理食材。冬菇肉质都好厚，菇味好香。食到最底有少少饭焦，脆卜卜劲惹味。食完个饭重有一个蛇汤，有少少杞子同药材煲，甜甜地又消腻，一个美好的句号！