金色不如帰 (又一城)

营业中

休息中

今日凉风秋送，我同朋友都想食啲热嘢保暖，嚟到又一城，决定试吓米芝莲推荐的呢间拉面店。店内的装修有少少殿堂华丽的感觉，我哋坐咗喺卡位，座位宽阔，枱与枱之间有一段距离。牛肝菌酱油鹅肝鸡汤拉面 $148呢款拉面做紧期间限定，我见佢有我钟意食嘅鹅肝，又有鹅肝，又有鸡汤底做拉面🍜，一于试试。食拉面第一件事要先饮啖汤底，汤底由浓鸡汤及鱼汤一起熬制而成，有鱼甜香及鲜鸡味。夹起鹅肝咬一啖，煎得香口嫩滑，配上鸡胸及牛肝菌，口感有多个层次。面条有小麦嘅味道，面嘅质地属于有咬口。四季金气泡玄米茶 $28饮到淡淡嘅玄米茶味，亦都有淡淡嘅甜味，加埋气泡水，食完拉面饮爽晒。慢煮酱汁安格斯牛饭$188上碟时配上沙律、前菜及蚬汁汤，珍米饭上面放上片片的安格斯牛肉，中间放上一只生鸡蛋，卖相精致。牛肉入口即溶，配上酱汁口感香浓，搅匀生鸡蛋食，啖啖牛肉挂上香滑嘅蛋浆。前菜系关东煮，蚬汁汤内有大大只蚬连壳，清甜开胃。总括而言，餐厅坐得舒服，食物比我嘅感觉系贵精不贵多，食完呢餐成个人暖暖的。