聚一醉火鍋小館 (已結業)

曾经，红磡崇洁街系美食既集中地，每晚人龙车龙都无停过0系呢度揾野食。但慢慢，大家开始忘记左呢条美食街。呢一日，朋友邀约我地去红磡打边炉，我地先忆起呢条充满美食既小街。而呢一晚都无令我地失望，虽然人流大减，但美食依旧。火锅店位于小街既角落，并唔系十分起眼。但店内好阔落好舒适，原来都系新开，所以装修好新净企理。睇睇餐牌，价格不高，比合理更合理。水滚喇！水滚之时，亦系惊喜美食之旅既开始。第一样上台既竟然系炸向玲，姐姐非常hardsell地推介呢个item，系佢地自己即炸既，当然要即刻一试。平时其实我麻麻地向玲，因为太油腻。但气氛推驶下即管食一旧，一食就不得了！原来即炸既向玲系好好食架！少少脆又好香口，食到啖啖腐竹味，又无多余既油份。除左朋友们激赞，唔好向玲既我，今晚都食左两件。另一个惊喜就系手切肥牛。我地开头仲纠结紧要大牛还是细牛，一上台疑虑一扫而空，原来细牛已经好大碟。牛肉肥瘦均匀，油花分布好平均，未入口已经想像到会好好味。入口一试，亦系理所当然的牛肉味香浓，嫩滑多汁。呢个墨鱼滑拼虾滑，系我见过最有诚意既。大厨竟然会两种唔同颜色既食材，拼出太极符号，可见佢好乐意照顾埋食客既视觉，十分专业。