蛇王海

营业中

休息中

近十年都有持续帮衬大埔墟嘅呢间蛇王海，贪佢算就脚，而且食饱仲可以行下四条里先返归。大蛇套餐($105)有大蛇羹同糯米饭，蛇羹套餐送蛇汤。蛇羹好多料，有蛇肉丝、猪肉丝、木耳丝等等，味道唔错(系咸咗啲)、蛇肉都唔少。薄脆任食，因为真系好够脆而且无油"益"味，真系食咗唔少。糯米饭虽然无咩𩠌，但味道都唔错。蛇汤应该系药膳鸡𠮶款汤，党参味好浓，热辣辣好保暖。两个人当午餐都叫勉强够食。今次帮衬，招牌同店面都整过，主理嘅又系两个后生仔女，可能系二代，想继续父母经营咗几十年嘅心血。