上品火鍋料理 (已結業)

秋风起，凉凉地，就好想去食打边炉！今次同事带我去食呢间都吾错，一入去望到大玻璃，望到街外夜景都有几分浪漫！坐底地方都阔落又舒服！嗌左一般打边炉食物，但有几样吾错想推介！先系樱花牛刺身，未食过，好好食，嗌左小份量都好多，有两种酱汁，一个少少辣嘅，一个少少酸嘅，我本人就好喜欢酸个个，好夹，牛切得薄薄，入口又肥瘦适中，食落好凉快！又平又好食！另外想赞下个汤底，我嗌左冬瓜猪骨瑶柱汤，个汤底系白色嘅，好多猪骨丫猪手丫等等，所以好够味，另外仲有好多配菜，例如金菇，鲜菇，粟米，冬瓜当然都好多，菜等等，多到直头好似嗌左一碟菇咁，好正好甜！我地嗌左嘅肥牛，鸡片，猪红，生菜，丸，饺等等都好出色，乌冬都系靓货，稻庭乌冬嚟，正，最后个个都食到好饱咁走，气氛吾错几好，几岩一班人边倾边食！