烤魚世家雞煲火鍋

营业中

休息中

想食惹味烤鱼，今次试左位于长沙湾嘅「烤鱼世家 鸡煲火锅」。除左烤鱼之外仲有鸡煲川菜等选择，价钱亲民。酸菜风味烤鱼烤鱼必选青江鱼，当然要试下酸菜风味啦。仲有唔同辣度选择，十分贴心。条鱼肉厚味鲜，而且唔多骨，唔洗怕哽骨。条鱼十分有份量，两个人食都够饱。配料有芽菜，豆卜，娃娃菜等等，绝对唔单调。值得一赞嘅系条鱼会先煎至八成熟，上枱慢慢食都唔怕条鱼熟得制，令肉质变嚡。味道方面唔会太咸，适合香港人口味，酸辣味令鱼肉更鲜甜。安格斯牛小排份量意想不到咁多，摆盘精致，食得出系新鲜牛肉冇雪味。牛肉下面垫左层冰，即使慢慢食都唔会令到牛肉系室温下变得唔新鲜，够晒细心。萝卜片同生菜蔬菜份量都唔少架，萝卜片仲系厚切。生菜都系大大份，抵赞。环境宽敞，坐得舒服。店员友善细心，会留意各种用餐需要。价钱同食物都系十分满意，系值得一试嘅餐厅。